bcom ldan ’das de bźin gśegs pa pad mo’i dpal gyis bka’ stsal pa | rigs kyi bu de ltar de’i dus la bab par śes na soṅ śig | de nas de (3) bźin gśegs pa dgra bcom pa yaṅ dag par rdzogs pa’i saṅs rgyas pad mo’i dpal gyis | byaṅ chub sems dpa’ sems dpa’ chen po pad mo dam pa la | pad mo rin po che sna tshogs kyi rgyu las byuṅ ba | gser gyi mdog can ’dab ma (4) stoṅ daṅ ldan pa stoṅ bskur te | rigs kyi bu bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa de la | bcom ldan ’das sñun mi mṅa’ ’am | gnod pa ma mchis sam | zo bdog bde’am | (5) sku ñams daṅ ldan nam | bde ba daṅ dgyes par spyod dam źes ’dri ste | pad mo gser gyi mdog can ’dab ma stoṅ daṅ ldan pa ’di dag kyaṅ | bcom ldan ’das de bźin gśegs pa pad mo’i dpal gyis bcom ldan ’das la mchod pa’i slad (6) du bskur ro ||