źes kyaṅ gyis la pad mo ’di dag gis gtor cig | rigs kyi bu saṅs rgyas kyi źiṅ der bag yod par spyod cig | de ci’i phyir źe na | ’jig rten gyi khams der skyes pa’i byaṅ chub sems dpa’ sems dpa’ chen po de dag ni (7) mgu bar dka’ ba yin gyis | der ñams par gyur ta re | de nas byaṅ chub sems dpa’ sems dpa’ chen po pad mo dam pas | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas pad mo’i dpal de las | (24b1) pad mo gser gyi mdog can ’dab ma stoṅ daṅ ldan pa de dag blaṅs te | byaṅ chub sems dpa’ khyim ba daṅ | rab tu byuṅ ba daṅ | khye’u daṅ bu mo’i gzugs su ’dug pa bye ba khrag khrig brgya stoṅ du ma daṅ ’grogs te | saṅs rgyas kyi źiṅ de nas mi snaṅ bar (2) gyur nas | ’og gi phyogs kyi saṅs rgyas bcom ldan ’das gaṅ ji sñed cig bźugs śiṅ ’tsho skyoṅ ba de dag thams cad la me tog daṅ spos daṅ bdug spos daṅ phreṅ ba daṅ byug pa daṅ phye ma dad na bza’ daṅ rgyan daṅ gdugs daṅ rgyal mtshan daṅ ba dan dag (3) gis rim gror bya ba daṅ | bkur stir bya ba daṅ bsti staṅ du bya ba daṅ | mchod pa byed ciṅ | byaṅ chub sems dpa’i rdzu ’phrul chen po daṅ byaṅ chub sems dpa’i mthu chen pos | bcom ldan ’das de bźin gśegs pa dgra bcom pa yaṅ dag par rdzogs pa’i (4) saṅs rgyas śkya thub pa gaṅ na ba der soṅ ste phyin nas | bcom ldan ’das kyi źabs gñis la spyi bos phyag ’tshal te | phyogs gcig tu ’khod do ||