bcom ldan ’das de bźin gśegs pa dga’ ba’i dpal gyis bka’ stsal pa | rigs kyi bu de ltar de’i dus la bab par śes na soṅ śig | de nas de bźin gśegs pa dgra bcom pa yaṅ dag par rdzogs pa’i (26a1) saṅs rgyas dga’ ba’i dpal gyis | byaṅ chub sems dpa’ sems dpa’ chen po dga’ bas byin pa la | pad mo rin po che sna tshogs kyi rgyu las byuṅ ba | gser gyi mdog can ’dab ma stoṅ daṅ ldan pa stoṅ bskur te | rigs (2) kyi bu bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa de la | bcom ldan ’das la sñun mi mṅa’ ’am | gnod pa ma mchis sam | zo bdog bde ’am | sku ñams daṅ ldan nam | bde ba daṅ (3) dgyes par spyod dam źes ’dri ste | pad mo gser gyi mdog can ’dab ma stoṅ daṅ ldan pa ’di dag kyaṅ | bcom ldan ’das de bźin gśegs pa dga’ ba’i dpal gyis | bcom ldan ’das la mchod pa’i slad du bskur ro ||