źes kyaṅ gyis la pad (4) mo ’di dag gis gtor cig | rigs kyi bu saṅs rgyas kyi źiṅ der bag yod par spyod cig | de ci’i phyir źe na | ’jig rten gyi khams der skyes pa’i byaṅ chub sems dpa’ sems dpa’ chen po de dag ni mgu bar dka’ ba yin gyis | der ñams (5) par gyur ta re | de nas byaṅ chub sems dpa’ sems dpa’ chen po dga’ bas byin pas | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas dga’ ba’i dpal de las | pad mo gser gyi mdog (6) can ’dab ma stoṅ daṅ daṅ ldan pa de dag blaṅs te | byaṅ chub sems dpa’ khyim pa daṅ | rab tu byuṅ ba daṅ | khye’u daṅ bu mo’i gzugs su ’dug pa bye ba khrag khrig brgya stoṅ du ma daṅ ’grogs saṅs rgyas kyi źiṅ de nas mi snaṅ bar gyur nas | (7) steṅ gi phyogs kyi saṅs rgyas bcom ldan ’das gaṅ ji sñed cig bźugs śiṅ ’tsho skyoṅ ba de dag thams cad la me tog daṅ | spos dag bdug spos daṅ | phreṅ ba daṅ | byug pa daṅ | phye ma daṅ | na bza’ daṅ | rgyan daṅ | gdugs daṅ rgyal mtshan (26b1) daṅ | pa dan dag gis rim gror bya ba daṅ bkur stir bya ba daṅ bsti staṅ du bya ba daṅ mchod pa byed ciṅ | byaṅ chub sems dpa’i rdzu ’phrul chen po daṅ | byaṅ chub sems dpa’i mthu chen pos | bcom ldan ’das de bźin gśegs pa dgra bcom (2) pa yaṅ dag par rdzogs pa’i saṅs rgyas śkya thub pa gaṅ na ba der soṅ ste phyin nas | bcom ldan ’das kyi źabs gñis la spyi bos phyag ’tshal te | phyogs gcig tu ’khod do ||