de nas de’i tshe skad cig yud tsam thaṅ cig la | stoṅ gsum gyi stoṅ chen po’i ’jig rten gyi khams ’di rin po che’i raṅ bźin du kun nas (3) gnas par gyur te | me tog sil ma sna tshogs kyis kun nas gaṅ ba daṅ | dar gyi lda ldi daṅ | chun po kun nas bres pa daṅ | snod sna tshogs nas bdug spos sna tshogs ’thul ba daṅ | dpag bsam gyi śiṅ rgyan daṅ ’bras bu sna tshogs kyis yal ga’i (4) rtse mo g-yur za ba daṅ | me tog gi śiṅ daṅ ’bras bu’i śiṅ daṅ spos kyi śiṅ daṅ phreṅ ba’i śiṅ daṅ phye ma’i śiṅ daṅ | bdug spos kyi śiṅ sna tshogs kyis rab tu brgyan pa kun nas gnas par gyur te | ’di lta ste dper na | de bźin gśegs pa dgra (5) bcom pa yaṅ dag par rdzogs pa’i saṅs rgyas me tog kun nas rgyas pa’i saṅs rgyas kyi źiṅ gaṅ na | ’jam dpal gźon nur gyur pa ’dug pa daṅ | lha’i bu blo gros śin tu brtan pa daṅ | byaṅ chub sems dpa’ sems dpa’ chen po gźan yaṅ gźi brjid (6) chen po dag ’khod pa’i ’jig rten gyi khams pad mo can bźin du gyur to ||