byaṅ chub sems dpa’ sems dpa’ chen po (3) dpe byad bzaṅ po brgyad cu thob par ’dod pa daṅ | tshe rabs thams cad du tshe rabs dran pa daṅ | byaṅ chub kyi sems mi stor ba daṅ | byaṅ chub sems dpa’i spyod pa mi ñams pa thob par ’dod pa daṅ | sdig to’i mdza’ bo daṅ | sdig to’i (4) grogs po thams cad spaṅ bar ’dod pa daṅ | dge ba’i bśes gñen saṅs rgyas daṅ byaṅ chub sems dpa’ thams cad bsñen bkur bar ’dod pa daṅ | bdud daṅ bdud kyi ris su gtogs pa’i lha thams cad pha ma par bya bar ’dod pa daṅ | (5) sgrib pa thams cad rnam par sbyaṅ bar ’dod pa daṅ | chos thams cad la bsgribs pa med pa thob par ’dod pas | śes rab kyi pha rol du phyin pa la bslab par bya’o ||