śa ra dwa ti’i bu gźan yaṅ byaṅ chub sems dpa’ sems dpa’ chen po śar phyogs (3) kyi ’jig rten gyi khams gaṅgā’i kluṅ gi bye ma sñed dag na | saṅs rgyas bcom ldan ’das byaṅ chub sems dpa’i ’khor daṅ bcas pa | ñan thos kyi dge ’dun daṅ bcas pa ji sñed cig bźugs pa de dag thams cad bsod sñoms gcig gis khyer (4) par bya bar ’dod pa daṅ | de bźin du me tog gcig daṅ | phreṅ ba gcig daṅ spos gcig daṅ byug pa gcig daṅ phye ma gcig daṅ | na bza’ gcig daṅ rgyan gcig daṅ gdugs gcig daṅ rgyal mtshan gcig daṅ bdan gcig gis rim gror bya (5) bar ’dod pa daṅ | bkur stir bya bar ’dod pa daṅ | bsti staṅ du bya bar ’dod pa daṅ | mchod par bya bar ’dod pas | śes rab kyi pha rol du phyin pa la bslab par bya’o ||