de bźin du byaṅ chub sems dpa’ sems dpa’ chen po lho daṅ nub (6) daṅ byaṅ daṅ byaṅ śar daṅ śar lho daṅ lho nub daṅ nub byaṅ daṅ | ’og daṅ steṅ gi phyogs kyi phyog re re źiṅ ’jig rten gyi khams gaṅgā’i kluṅ gi bye ma sñed dag na | saṅs rgyas bcom ldan ’das byaṅ chub sems dpa’i ’khor daṅ bcas pa | (7) ñan thos kyi dge ’dun daṅ bcas pa ji sñed cig bźugs pa de dag thams cad bsod sñoms gcig gis khyed par bya bar ’dod pa daṅ | de bźin du me tog gcig daṅ phreṅ ba gcig daṅ | spos gcig daṅ | byug pa gcig daṅ phye ma gcig (33b1) daṅ | na bza’ gcig daṅ | rgyan gcig daṅ gdugs gcig daṅ | rgyal mtshan gcig daṅ | ba dan gcig gis rim gror bya bar ’dod pa daṅ | bkur stir bya bar ’dod pa daṅ | bsti stag du bya bar ’dod pa daṅ | mchod par bya bar ’dod pas (2) śes rab kyi pha rol du phyin pa la bslab par bya’o ||