de bźin du byaṅ chub sems dpa’ sems dpa’ chen po lho daṅ nub daṅ byaṅ daṅ byaṅ śaRa daṅ śar lho daṅ lho nub daṅ nub byaṅ daṅ | ’og daṅ steṅ gi phyogs kyi phyogs re re źiṅ ’jig rten gyi khams gaṅgā’i (6) kluṅ gi bye ma sñed dag na | sems can ji sñed cig ’khod pa de dag thams cad tshul khrims kyi phuṅ po la dgod par ’dod pa daṅ | tiṅ ṅe ’dzin gyi phuṅ po daṅ | śes rab kyi phuṅ po daṅ | rnam par grol ba’i phuṅ po daṅ | rnam par grol ba’i ye śes (7) mthoṅ ba’i phuṅ po la dgod par ’dod pa daṅ | rgyun du źugs pa’i ’bras bu la dgod par ’dod pa daṅ | lan cig phyir ’od pa’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub la dgod par ’dod pa daṅ | (34a1) phuṅ po ma lus pa’i mya ṅan las ’das pa’i dbyiṅs kyi bar la dgod par ’dod pas | śes rab kyi pha rol tu phyin pa la bslab par bya’o ||