bcom ldan ’das byaṅ chub sems dpa’ sems dpa’ chen pos sbyin ba rnam pa ji lta bur stsal na | sbyin pa’i pha rol du phyin pa yoṅs su rdzogs par bgyis pa lags | ji ltar na tshul khrims kyi pha rol (6) du phyin pa daṅ | bzod pa’i pha rol du phyin pa daṅ | brtson ’grus kyi pha rol du phyin pa daṅ | bsam gtan gyi pha rol du phyin pa daṅ | śes rab kyi pha rol du phyin pa yoṅs su rdzogs par bgyis pa lags | bcom ldan ’das kyis bka’ stsal pa | śa ra dwa ta’i (7) bu sbyin pa daṅ | gtoṅ ba daṅ | yoṅs su len pa mi dmigs pa’i tshul gyis ’khor gsum yoṅs su dag pas | sbyin pa’i pha rol tu phyin pa yoṅs su rdzogs par byas pa yin | de bźin du ltuṅ ba daṅ mi ltuṅ ba bya ba med pa’i phyir | tshul khrims kyi pha rol du (35a1) phyin pa yoṅs su rdzogs par byas pa yin | ’khrug pa med pa’i phyir | bzod pa’i pha rol du phyin pa yoṅs su rdzogs par byas pa yin | lus daṅ sems kyi brtson ’grus ’jig pa med pa’i phyir | brtson ’grus kyi pha rol du (2) phyin pa yoṅs su rdzogs par byas pa yin | ’khrugs pa daṅ rtog pa med pa’i phyir | bsam gtan gyi pha rol du phyin pa yoṅs su rdzogs par byas pa yin | chos thams cad rab tu śes pa mi dmigs pa’i tshul gyis | śes rab kyi pha rol du phyin (3) pa yoṅs su rdzogs par byas pa yin no ||