śa ra dwa ti’i bu gźan yaṅ byaṅ chub sems (5) dpa’ sems dpa’ chen po śar phyogs kyi ’jig rten gyi khams gaṅgā’i kluṅ gi bye ma sñed dag na | saṅs rgyas bcom ldan ’das gaṅ ji sñed cig bźugs pa de dag thams cad daṅ lho daṅ nub daṅ byaṅ daṅ byaṅ śar daṅ | śar lho daṅ lho nub daṅ (6) nub byaṅ daṅ ’og daṅ steṅ gi phyogs kyi phyogs re re źiṅ ’jig rten gyi khams gaṅgā’i kluṅ gi bye ma sñed dag na | saṅs rgyas bcom ldan ’das ji sñed cig bźugs pa de dag thams cad lha’i mig gis blta bar ’dod pa daṅ | saṅs rgyas (7) bcom ldan ’das de dag chos gaṅ ston pa de thams cad lha’i smra bas mñan par ’dod pa daṅ | saṅs rgyas bcom ldan ’das de dag gi thugs sems kyis khoṅ du chud par ’dod pa daṅ | saṅs rgyas bcom ldan ’das de dag gi sṅon gyi (36b1) sbyor ba daṅ ldan pa’i byaṅ chub sems dpa’i spyod pa rjes su dran par ’dod pa daṅ | saṅs rgyas bcom ldan ’das de dag gi rdzu ’phrul daṅ | rnam par ’phrul pa rnam pa maṅ po mthoṅ bar ’dod pas | śes rab kyi pha rol tu phyin ba la bslab (2) bar bya’o ||