de bźin du | byaṅ chub (4) sems dpa’ sems dpa’ chen po lho daṅ nub daṅ byaṅ daṅ byaṅ śa ra daṅ | śar lho dag lho nub daṅ nub byaṅ daṅ ’og daṅ steṅ gi phyogs kyi phyogs re re źiṅ ’jig rten gyi khams gaṅgā’i kluṅ gi bye ma ji sñed pa gaṅ du | saṅs rgyas kyi sgra daṅ chos kyi sgra (5) daṅ dge ’dun gyi sgra sems na rnams kyis mi thos pa de lta bu’i ’jig rten gyi khams dag tu sems can de dag thams cad kyis saṅs rgyas daṅ chos daṅ dge ’dun gyi sgra thos par bya bar ’dod pa daṅ | yaṅ dag pa’i lta ba la dgod par ’dod pas śes rab (6) kyi pha rol du phyin pa la bslab par bya’o ||