śa ra dwa ti’i bu gźan yaṅ byaṅ chub sems dpa’ sems dpa’ chen po śar phyogs daṅ | lho daṅ nub daṅ byaṅ daṅ | byaṅ śar daṅ śar lho daṅ lho nub daṅ nub byaṅ daṅ ’og daṅ steṅ gi phyogs kyi phyogs re re źiṅ (7) ’jig rten gyi khams gaṅgā’i kluṅ gi bye ma sñed dag na | sems can loṅ ba ji sñed cig yod pa de dag thams cad bdag gi mthus | mig gis gzugs mthoṅ ba daṅ | ’on pa rnams rna bas sgra thos pa daṅ | smyon pa rnams dran pa thob pa daṅ | gos (38a1) med pa rnams gos thob pa daṅ | bkres pa daṅ skom pa rnams zas daṅ skom thob pa daṅ | nad pa rnams nad ’tsho bar ’gyur ba daṅ | btson ra daṅ khri mon na ’khod pa rnams bdag gis rdzu ’phrul daṅ bdag gi mthus dga’ (2) mgur ’doṅ du yod par bya’o sñam na yaṅ | śes rab kyi pha rol du phyin pa la bslab par bya’o ||