ji ltar na phyogs bcu kun gyi phyogs re re’i ’jig rten gyi khams gaṅgā’i kluṅ gi bye ma sñed dag na | sems can mi khom pa daṅ | ṅan soṅ du lhuṅ ba (3) sems can dmyal ba ba’am | byol soṅ gi skye gnas pa ’am | gśin rje’i ’jig rten pa ji sñed cig yod pa de dag thams cad bdag gis mthus | de nas śi ’phos nas mi’i lus thob par bya sñam ste | sems can de dag thams cad tshul khrims (4) la dgod par ’dod pa daṅ tiṅ ṅe ’dzin daṅ śes rab daṅ rnam par grol ba daṅ | rnam par grol pa’i ye śes mthoṅ ba la dgod par ’dod pa daṅ | rgyun tu źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu (5) daṅ | dgra bcom pa ñid daṅ | raṅ byaṅ chub daṅ | bla na med pa yaṅ dag par rdzogs pa’i byaṅ chub la dgod par ’dod pa’i byaṅ chub sems dpa’ sems dpa’ chen pos śes rab kyi pha rol du phyin pa la bslab par bya’o ||