śa ra dwa ti’i bu gźan yaṅ byaṅ chub sems dpa’ sems dpa’ chen po śes rab kyi pha rol du phyin pa la (38b1) spyod pa’i tshe ’di ltar yoṅs su brtag par bya ste | ji ltar na bdag gis glaṅ po chen po’i lta stags kyis bltas te | sems can rnams la thogs pa med par chos bstan par ’gyur | ji ltar na bdag seṅ ge chen po’i rnam par bskyiṅs (2) pas rnam par sgyiṅ bar ’gyur | ji ltar na bdag gis don yod pa’i rnam par gnas pas rnam par gnas par bya | ji ltar na bdag sa chen po la sor bźi tsam gyis rkaṅ pas mi reg par ’gro bar ’gyur | ji ltar na bdag gis pad mo ’dab (3) ma stoṅ daṅ ldan pa la rkaṅ pa gñis kyi mthil gźag ciṅ | rkaṅ pa’i ’og na gnas pa’i srog chags rnams la mi gnod par ’gro bar bya | ji ltar na bdag rkaṅ pa’i mthil ’khor lo’i rtsibs stoṅ daṅ ldan pa gñis kyis sa chen po la rnam par bris te (4) ’gro bar ’gyur | ji ltar na bdag sa chen po la ’khor kun du ’khor lo tsam gyi khyon yoṅs su bskor ciṅ ’chags na ’chag par ’gyur | ji ltar na bdag sa chen po thams cad du rgyu źiṅ soṅ yaṅ | sa’i rdul gyis mi gos par ’gyur | ji ltar na bdag (5) dpag tshad gcig gam gñis sam gsum ’am bźi ’am lṅa ’am bcu’am ñi śu ’am sum cu’am bźi bcu ’am lṅa bcu ’am dpag tshad brgya ’am dpag tshad stoṅ ṅam dpag tshad brgya phrag stoṅ nas dpag tshad tshad med pa ’am graṅs med pa’am | bsam (6) gyis mi khyab pa ’am | mtshuṅs pa med pa’am | mtha’ yas pa ’am | kun du mtha’ yas pa’am | gźal du med pa ’am | brjod du med pa’i yaṅ brjod du med pa’i bar gyi saṅs rgyas kyi źiṅ dag du rgyus te soṅ yaṅ | lus daṅ sems la dub pa med (7) par ’gyur sñam na yaṅ | śes rab kyi pha rol du phyin pa la bslab par bya’o ||