śa ra dwa ti’i bu stoṅ gsum gyi (3) stoṅ chen po’i ’jig rten gyi khams lta źog gi | śa ra dwa ti’i bu śar phyogs kyi ’jig rten gyi khams gaṅgā’i kluṅ gi bye ma sñed cig dge sloṅ śa ra dwa ti’i bu daṅ | mauda gal gyi bu lta bu śa stag gis yoṅs su gaṅ bar gyur pa daṅ | lho daṅ nub daṅ (4) byaṅ daṅ byaṅ śar daṅ śar lho daṅ lho nub daṅ nub byaṅ daṅ | ’og daṅ steṅ gi phyogs kyi phyogs re re źiṅ ’jig rten gyi khams gaṅgā’i kluṅ gi bye ma sñed cig | dge sloṅ śa ra dwa ti’i bu daṅ | mauda gal gyi bu lta bu śa stag gis yoṅs su gaṅ bar (5) gyur kyaṅ | de dag gi śes rab kyis ni byaṅ chub sems dpa’ sems dpa’ chen po śes rab kyi pha rol du phyin pa la spyod pa’i śes rab ñin gcig tu bsgoms pa’i brgya’i char yaṅ ñe bar mi ’gro’o ||