bcom ldan ’das kyis bka’ stsal pa | śa ra dwa ti’i bu byaṅ chub sems dpa’ sems dpa’ chen po ni ’di sñam du sems te | bdag gis pha rol du (7) phyin pa drug la spyad de | sems can yoṅs su smin par byas la | saṅs rgyas kyi źiṅ yoṅs su dag par byas te | de bźin gśegs pa’i stobs bcu yoṅs su rdzogs par byas la | mi ’jigs pa bźi daṅ | so so yaṅ dag par rig pa bźi daṅ | (46b1) byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwo brgyad yoṅs su rdzogs par byas te | bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas nas | sems can tshad med graṅs (2) med pa yoṅs su mya ṅan las bzla’o sñam du sems so ||