gsol pa bcom ldan ’das de lta lags na | byaṅ chub sems dpa’ sems dpa’ chen po rnams sbyin ba yoṅs su sbyoṅ ba (6) lags sam | bcom ldan ’das kyis bka’ stsal pa | śa ra dwa ti’i bu byaṅ chub sems dpa’ sems dpa’ chen po rnams ni sbyin pa rnam graṅs kyis yoṅs su sbyoṅ ste | de ci’i phyir źe na | byaṅ chub sems dpa’ sems dpa’ chen po la ni sbyin pa kun (7) kyaṅ śin tu dag pa ste | de yaṅ ’di ltar śa ra dwa ti’i bu byaṅ chub sems dpa’ sems dpa’ chen po ni sbyin ba yoṅs su gtoṅ ste | ci’i sbyin ba yoṅs su gtoṅ źe na | dge ba’i chos du ma’i sbyin ba yoṅs su gtoṅ ste | ’di ltar dge ba bcu’i las kyi (48b1) lam rnams daṅ | bslab pa’i gnas lṅa daṅ | yan lag brgyad daṅ ldan pa’i gso sbyin daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | mṅon par śes pa lṅa daṅ | rjes su dran pa drug daṅ | (2) pha rol du phyin pa rnams daṅ | stoṅ pa ñid thams cad daṅ | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan (3) lag brgyad pa daṅ | ’phags pa’i bden pa bźi daṅ | rnam par thar pa brgyad daṅ | mthar gyis gnas pa’i sñoms par ’jug pa dgu daṅ | stoṅ pa ñid daṅ | mtshan med pa daṅ | smon pa med pa daṅ | tiṅ ṅe ’dzin thams cad daṅ | (4) gzuṅs kyi sgo thams cad daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwo brgyad kyi sbyin pa yoṅs (5) su gtoṅ ṅo ||