śa ra dwa ti’i bu ’di ltar yaṅ byaṅ chub sems dpa’ sems dpa’ chen po bsam gtan daṅ po nas | bźi ba la yaṅ sñoms par ’jug | byams (7) pa la yaṅ sñoms par ’jug sñiṅ rje daṅ dga’ ba daṅ btaṅ sñoms la yaṅ sñoms par ’jug | nam mkha’ mtha’ yas skye med la yaṅ sñoms par ’jug | rnam śes mtha’ yas skye mched daṅ | cuṅ zad med pa’i skye mched daṅ | ’du śes med ’du śes (62b1) med min skye mched la yaṅ sñoms par ’jug | dran pa ñe bar gźag pa bźi la yaṅ sñoms par ’jug | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags (2) pa’i lam yan lag brgyad pa la yaṅ sñoms par ’jug | sñiṅ rje chen po la yaṅ sñoms par ’jug ste | sñiṅ rje chen po daṅ ldan pa de dag thabs mkhas pas | bsam gtan gyi dbaṅ gis mi skye | tshaṅs pa’i rnam par spyod pa’i dbaṅ gis mi skye | (3) gzugs med pa’i sñoms par ’jug pa’i dbaṅ gis mi skye ste | saṅs rgyas bcom ldan ’das rnams gaṅ na bźugs śiṅ ’tsho skyoṅ ba de daṅ de dag tu skye bar ’gyur ba yod do ||