śa ra dwa ti’i bu ’di ltar yaṅ byaṅ chub sems dpa’ sems dpa’ chen po tshe gcig gis thogs pa | śes rab kyi pha rol du phyin pa la spyod pa dag thabs mkhas pas | bsam gtan bźi po la yaṅ sñoms (3) par ’jug | byams pa daṅ sñiṅ rje daṅ dga’ ba daṅ btaṅ sñoms la yaṅ sñoms par ’jug | nam mkha’ mtha’ yas skye mched la yaṅ sñoms par ’jug | rnam śes mtha’ yas skye mched daṅ | cuṅ zad med ba’i skye mched daṅ | ’du śes (4) med ’du śes med min skye mched la yaṅ sñoms par ’jug | dran pa ñe bar gźag pa gźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam (5) yan lag brgyad pa la yaṅ bsgom | stoṅ pa ñid daṅ | mtshan ma med pa daṅ | smon pa med pa’i tiṅ ṅe ’din la yaṅ sñoms par ’jug ciṅ | de dag gi dbaṅ gis mi skye ba yaṅ yod de | de dag saṅs rgyas bcom ldan ’das mṅon du gyur pa rnams bsñen (6) bkur ciṅ | de dag tu tshaṅs pa’i spyod pa spyad de | dga’ ldan gyi lha daṅ skal ba mñam par skye ste | de dag der tshe’i tshul bźin du gnas nas | dbaṅ po mñams pa daṅ dran źiṅ śes bźin du lha bye ba khrag khrig brgya stoṅ du mas bskor te mdun du (7) byas nas ’dir skye ba bstan ste | bla na med pa yaṅ dag par rdzogs pa’i byaṅ chub tu mṅon par saṅs rgyas nas saṅs rgyas kyi źiṅ sna tshogs dag tu chos kyi ’khor lo bskor ba dag kyaṅ yod do ||