śa ra dwa ti’i (4) bu ’di ltar yaṅ byaṅ chub sems dpa’ sems dpa’ chen po śes rab kyi pha rol du phyin pa la spyod pa | bsam gtan bźi thob pa | tshad med pa bźi daṅ | gzugs med pa’i sñoms par ’jug pa bźi daṅ | byaṅ chub kyi phyogs kyi chos sum cu rtsa bdun (5) thob pa | mṅon par śes pa drug thob pa | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwo brgyad thob pa dag ’phags pa’i bden pa bźi khod du chud par bya ba’i don du (6) spyod kyaṅ | bden pa bźi rtogs par mi byed pa dag kyaṅ yod de | śa ra dwa ti’i bu byaṅ chub sems dpa’ sems dpa’ chen po de dag ni tshe gcig gis thogs par śes par bya’o ||