gsol pa | bcom ldan ’das byaṅ chub sems dpa’ sems dpa’ chen po tshul ji lta bur spyod pa rnams thub pa ma mchis pa lags | bcom ldan ’das kyis bka’ stsal pa | nam byaṅ chub (6) sems dpa’ sems dpa’ chen po śes rab kyi pha rol du phyin pa la spyod pa’i tshe | gzugs la rlom sems med pa daṅ | tshor ba daṅ ’du śes daṅ ’du byed daṅ rnam par śes pa la rlom sems med pa daṅ | mig daṅ gzugs la rlom sems med pa daṅ | rna (7) ba daṅ sgra daṅ sna daṅ dri daṅ lce daṅ ro daṅ lus daṅ reg bya daṅ | yid daṅ chos la rlom sems med pa daṅ | sa’i khams la rlom sems med pa daṅ | chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i (70a1) khams la rlom sems med pa daṅ | mig gi khams la rlom sems med pa daṅ | gzugs kyi khams daṅ | mig gi rnam par śes pa’i khams la rlom sems med pa daṅ | rna ba’i khams daṅ | sgra’i khams daṅ | rna ba’i rnam (2) par śes pa’i khams daṅ | sna’i khams daṅ | dri’i khams daṅ | sna’i rnam par śes pa’i khams daṅ | lce’i khams daṅ | ro’i khams daṅ | lce’i rnam par śes pa’i khams daṅ | lus kyi khams daṅ | reg bya’i khams daṅ | lus kyi rnam par śes (3) pa’i khams daṅ | yid kyi khams la rlom sems med pa daṅ | chos kyi khams la rlom sems med pa daṅ | yid kyi rnam par śes pa’i khams la rlom sems med pa daṅ | rten iṅ ’brel bar ’byuṅ ba la rlom sems med pa daṅ | sbyin pa’i pha rol tu phyin pa (4) la rlom sems med pa daṅ | tshul khrims kyi pha rol du phyin pa daṅ | bzod pa’i pha rol du phyin pa daṅ | brtson ’grus kyi pha rol du phyin pa daṅ | bsam gtan gyi pha rol tu phyin pa daṅ | śes rab kyi pha rol du phyin pa la rlom sems med pa daṅ | naṅ stoṅ pa ñid la (5) rlom sems med pa daṅ | dṅos po med pa’i ṅo bo ñid stoṅ ba ñid kyi bar la rlom sems med pa daṅ | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan (6) lag bdun daṅ | ’phags pa’i lam yan lag brgyad pa la rlom sems med pa daṅ | ’phags pa’i bden pa bźi la rlom sems med pa daṅ | bsam gtan bźi la rlom sems med pa daṅ | tshad med pa bźi daṅ | gzugs med pa’i sñoms par (7) ’jug pa bźi la rlom sems med pa daṅ | rnam par thar pa brgyad daṅ | mthar gyis gnas pa’i sñoms par ’jug pa dgu la rlom sems med pa daṅ | stoṅ pa ñid daṅ | mtshan ma med pa daṅ | smon pa med pa la rlom sems med pa daṅ | mṅon par (70b1) śes pa rnams la rlom sems med pa daṅ | tiṅ ṅe ’dzin rnams daṅ | gzuṅs kyi sgo rnams la rlom sems med pa daṅ | de bźin gśegs pa’i stobs bcu la rlom sems med pa daṅ | mi ’jigs pa bźi daṅ | so so yaṅ dag par rig pa bźi daṅ | (2) byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwo brgyad la rlom sems med pa daṅ | rgyun du źugs pa’i ’bras bu la rlom sems med pa daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | (3) dgra bcom pa ñid la rlom sems med pa daṅ | raṅ byaṅ chub la rlom sems med pa daṅ | lam gyi rnam pa śes pa ñid la rlom sems med pa daṅ | bla na med pa yaṅ dag par rdzogs pa’i byaṅ chub la rlom sems med pa daṅ | ’khor ba daṅ mya ṅan las (4) ’das pa la rlom sems med par ’gyur ba de’i tshe | byaṅ chub sems dpa’ sems dpa’ chen po de ni pha rol du phyin pa drug gis rnam par ’phel ba yin te sus kyaṅ thub pa med do ||