bcom (7) ldan ’das de lta bu’i ye śes daṅ ldan pas | byaṅ chub sems dpa’ sems dpa’ chen po nam yaṅ ṅan soṅ rnams su skye bar mi ’gyur ba daṅ | mi dbul źiṅ phoṅs pa ñams su myoṅ bar mi ’gyur ba daṅ | lus gaṅ daṅ ldan pas lha daṅ mi daṅ (71a1) lha ma yin gyi naṅ na | smad par ’gyur ba de lta bu’i lus yoṅs su ’dzin par mi ’gyur ba’i thams cad mkhyen pa’i ye śes de gaṅ lags | bcom ldan ’das kyis bka’ stsal pa | śa ra dwa ti’i bu byaṅ chub sems dpa’ (2) sems dpa’ chen po ye śes de lta bu daṅ ldan pas ni | śar phyogs kyi ’jig rten gyi khams gaṅgā’i kluṅ gi bye ma sñed kyi de bźin gśegs pa dgra bcom pa yaṅ dag par rdzogs pa’i saṅs rgyas gaṅgā’i kluṅ gi bye ma sñed kyaṅ mthoṅ ṅo ||