de nas yaṅ dge sloṅ rnams kyis tshul khrims lṅa’i phan yon źus pa | gźan yaṅ btsun pa bcom ldan ’das srog (5) gcod pa spaṅs pa’i rnam par smin pa ji ltar śes par bgyi | ma byin par len pa spaṅs pa’i rnam par smin pa ji ltar śes par bgyi | ’dod pas log par g-yem pa spaṅs pa’i rnam par smin pa ji ltar śes par bgyi | brdzun du smra ba spaṅs pa’i rnam par smin pa ji ltar śes par (6) bgyi | myos par ’gyur ba’i chaṅ gi btuṅ ba spaṅs pa’i rnam par smin pa ji ltar śes par bgyi | de nas bcom ldan ’das kyis de rnams kyis dris pa de bstan ciṅ rtogs par bya ba’i phyir bka’ stsal pa | dge sloṅ dag srog gcod pa ni sbrul dug can daṅ ’dra bar blta bar bya’o ||