de ltar rim gyis sems can la phan pa’i don du ’chag ciṅ dga’ ba can gyi groṅ khyer du byon te | blta na sdug gi gtsug lag khaṅ chen por bźugs pa de de na gnas pa rnams kyis thos nas mar gsar daṅ źun mar la sogs pa daṅ sman daṅ gos daṅ mal cha la sogs pa daṅ (5) dri’i phreṅ ba la sogs pa lag tu thogs te | gaṅ gis saṅs rgyas daṅ gaṅ gis chos daṅ gaṅ gis dge ’dun daṅ de rnams la ’dud ciṅ de la dga’ ba daṅ de la śin tu gus pa daṅ bcas pas ston pa’i druṅ du soṅ ste | phyag byas nas dri la sogs pa’i mchod pa byas te | phyogs gcig tu (6) ’khod ciṅ chos bstan pa mñan nas saṅ mgron du gñer te raṅ gis nas soṅ ṅo ||