bcom ldan ’das śes rab kyi pha rol tu phyin pa śes rab kyi pha rol tu phyin pa źes bgyi ba | bcom ldan ’das ji tsam gyis na byaṅ chub (2) sems dpa’ sems dpa’ chen po rnams kyi śes rab kyi pha rol tu phyin pa źes bgyi | bcom ldan ’das ji ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa lags | bcom ldan ’das ji ltar na śes rab kyi pha rol tu phyin (3) pa la spyod pa’i byaṅ chub sems dpa’ sems dpa’ chen po śes rab kyi pha rol tu phyin pa sgom pa yoṅs su rdzogs par ’gyur lags | bcom ldan ’das ji ltar na byaṅ chub sems dpa’ sems dpa’ chen po śes rab kyi pha rol tu phyin pa sgom pa na bdud sdig can (4) gyis glags mi rñed ciṅ bdud kyi las thams cad kyaṅ rtogs par ’gyur lags | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la gnas pa ji lta bus gnas na myur du thams cad mkhyen pa ñid kyi chos rnams yoṅs (5) su rdzogs par ’gyur lags | de skad ces gsol pa daṅ | bcom ldan ’das kyis byaṅ chub sems dpa’ sems dpa’ chen po rab kyi rtsal gyis rnam par gnon pa la ’di skad ces bka’ stsal to ||