Seyyathāpi, brāhmaṇa, dakkho assadamako bhadraṃ assājānīyaṃ labhitvā paṭhamen’ eva mukhādhāne kāraṇaṃ karoti, atha uttariṃ kāraṇaṃ karoti;-- evam eva kho, brāhmaṇa, Tathāgato purisadammaṃ labhitvā paṭhamaṃ evaṃ vineti: Ehi tvaṃ, bhikkhu, sīlavā hohi, pātimokkhasaṃvarasaṃvuto viharāhi ācāragocarasampanno, aṇumattesu vajjesu bhayadassāvī samādāya sikkhassu sikkhāpadesūti.