byaṅ chub sems dpa’ mthoṅ na dgas smras pa | gaṅ ji sñed chuṅ zad mthoṅ ba’i naṅ na saṅs rgyas daṅ chos mthoṅ ba ni de dag gi mchog ces bya’o || de la saṅs rgyas mthoṅ ba de ni gaṅ gzugs su mi mthoṅ ba daṅ | tshor ba daṅ | ’du śes daṅ | ’du byed rnams daṅ | (7) rnam par śes par mi mthoṅ ba ste | gaṅ chos thams cad mi mthoṅ ba de ni yaṅ dag pa’i mthoṅ ba’o || yaṅ dag pa’i mthoṅ ba ni saṅs rgyas mthoṅ ba’o || de la chos mthoṅ ba de ni gaṅ yid la byed pa thams cad mi spyod pa’o || gaṅ mi ’gyur bar mthoṅ ba de ni ’dod chags daṅ bral (317a1) ba’o || gaṅ ’dod chags daṅ bral ba de ni chos mthoṅ ba źes bya ste | gaṅ byaṅ chub sems dpa’ de ltar saṅs rgyas mthoṅ ba daṅ | chos mthoṅ ba daṅ ldan par gyur pa de ni bdud kyi yul las yaṅ dag par ’da’ ste | de ni bdud kyi yul las yaṅ dag par ’da’ ba źes (2) bya ba’i chos kyi sgo’o ||