bcom ldan ’das kyis bka’ stsal pa | kun dga’ bo bdud sdig can ’di da duṅ yaṅ phyogs bcu’i saṅs rgyas kyi źiṅ (2) rnams su bdud kyi bya ba byed de | saṅs rgyas bcom ldan ’das de dag las kyaṅ rdo rje’i sñiṅ po ñon moṅs pa rab tu ’joms pa’i chos bstan pa ’di thos par ’gyur źiṅ | saṅs rgyas rnams daṅ | byaṅ chub sems dpa’ rnams kyi chog gsaṅ ba daṅ | spyod lam daṅ | yon tan daṅ | (3) tshul khrims kyi gnas daṅ | spyad pa daṅ | chog daṅ | sbyor ba mthoṅ bar ’gyur te | ci tsam gyis byaṅ chub kyi sems de brtan par gyur pa de na de bźin gśegs pa mtha’ yas dri ma med pa’i tog ces bya ba ’byuṅ ste | de’i gsuṅ rab la bdud sdig can ’di yaṅ tha mar bdud kyi (4) las byed de | de dge ba’i rtsa ba yoṅs su smin nas sems med pa’i sems kyis saṅs rgyas daṅ | chos kyi snaṅ ba thams cad rnam par dag pa’i rjes su soṅ źiṅ byaṅ chub kyi sems bskyed do ||