You are here: BP HOME > TLB > Candrakīrti: Madhyamakāvatāra > record
Candrakīrti: Madhyamakāvatāra

Choose languages

Choose images, etc.

Choose languages
Choose display
    Enter number of multiples in view:
  • Enable images
  • Enable footnotes
    • Show all footnotes
    • Minimize footnotes
DiacriticaDiacritica-helpSearch-help
ā ī ū
ñ
ś ź
š č ǰ γ    
Note on the transliteration:
The transliteration system of the BP/TLB is based on the Unicode/UTF-8 system. However, there may be difficulties with some of the letters – particularly on PC/Windows-based systems, but not so much on the Mac. We have chosen the most accepted older and traditional systems of transliteration against, e.g, Wylie for Tibetan, since with Unicode it is possible, in Sanskrit and Tibetan, etc., to represent one sound with one letter in almost all the cases (excepting Sanskrit and Tibetan aspirated letters, and Tibetan tsa, tsha, dza). We thus do not use the Wylie system which widely employs two letters for one sound (ng, ny, sh, zh etc.).
 
Important:
We ask you in particular to note the use of the ’ apostrophe and not the ' representing the avagrāha in Sanskrit, and most important the ’a-chuṅ in Tibetan. On the Mac the ’ is Alt-M.
 
If you cannot find the letters on your key-board, you may click on the link "Diacritica" to access it for your search.
Choose specific texts..
Click to Expand/Collapse OptionTitle
Click to Expand/Collapse OptionPreface
Click to Expand/Collapse OptionChapter 1: Pramuditā
Click to Expand/Collapse OptionChapter 2: Vimalā
Click to Expand/Collapse OptionChapter 3: Prabhākarī
Click to Expand/Collapse OptionChapter 4: Arciṣmatī
Click to Expand/Collapse OptionChapter 5: Sudurjayā
Click to Expand/Collapse OptionChapter 6: Abhimukhī
Click to Expand/Collapse OptionChapter 7: Dūraṃgamā
Click to Expand/Collapse OptionChapter 8: Acalā
Click to Expand/Collapse OptionChapter 9: Sādhumatī
Click to Expand/Collapse OptionChapter 10: Dharmameghā
Click to Expand/Collapse OptionChapter 11: buddhabhūmi
Tib: Tg, dbu ma, ’a 214b4
སངས་རྒྱས་ཆོས་ནི་མ་འདྲེས་པ། །
བཅུ་དང་བརྒྱད་དུ་གང་འདོད་དག། །
གང་ཕྱིར་སྟོན་དེས་མི་འཕྲོགས་པ། །
དེ་ཕྱིར་མི་འཕྲོགས་རང་མཚན་ཉིད། །
Eng: Liland (2019)
The eighteen special qualities
Unique to Buddha cannot from
The Teacher be erased; they are
Defined as irremovable. (6.213)
Tib: Tg, dbu ma, ’a 318b
སངས་རྒྱས་ཆོས་ནི་མ་འདྲེས་པ། །བཅུ་དང་བརྒྱད་དུ་གང་འདོད་དག། །
གང་ཕྱིར་སྟོན་དེས་མི་འཕྲོགས་པ། །དེ་ཕྱིར་མི་འཕྲོགས་རང་མཚན་ཉིད། །
དེ་ལ་སངས་རྒྱས་ཀྱི་ཆོས་མ་འདྲེས་པ་ནི་བཅོ་བརྒྱད་དེ། འདི་ལྟ་སྟེ། རབ་འབྱོར་གང་གི་ནམ་ལ་དེ་བཞིན་གཤེགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་བ་དག་དང། གང་གི་ནམ་ལ་ལེན་པ་མི་མངའ་བར་མྱ་ངན་ལས་འདས་པར་འགྱུར་བ་དེའི་བར་དུ་དེ་བཞིན་གཤེགས་པ་ལ་འཁྲུལ་པ་མི་མངའོ། །ཅ་ཅོ་མི་མངའོ། །བསྙེལ་བ་མི་མངའོ། །ཐུགས་མཉམ་པར་མ་བཞག་པ་མི་མངའོ། །དེ་བཞིན་དུ་ཐ་དད་པའི་འདུ་ཤེས་དང། སོ་སོར་མ་བརྟགས་པའི་བཏང་སྙོམས་དང། འདུན་པ་ཉམས་པ་དང། བརྩོན་འགྲུས་ཉམས་པ་དང། དྲན་པ་ཉམས་པ་དང། ཏིང་ངེ་འཛིན་ཉམས་པ་དང། ཤེས་རབ་ཉམས་པ་དང། རྣམ་པར་གྲོལ་བ་ཉམས་པ་མི་མངའོ། །ལུས་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང། ངག་གི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང། ཡིད་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང། འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག །མ་འོངས་པ་དང་ད་ལྟར་བྱུང་བ་ལ་ཡང་དེ་ལྟར་བརྗོད་པར་བྱའོ། །དེ་ལྟ་བུའི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་གང་དག་ཡིན་པ་དེ་དག་ནི་མི་འཕྲོགས་པའི་མཚན་ཉིད་ཅན་ཏེ། འཁྲུལ་པ་ལ་སོགས་པ་མི་མངའ་བས་གླགས་མེད་པ་ཉིད་ཀྱིས་ཐུབ་པར་མི་ནུས་པ་ཉིད་ཀྱི་ཕྱིར་རོ། །
Eng: Liland (2019)

The eighteen special qualities
Unique to Buddha cannot from
The Teacher be erased; they are
Defined as irremovable. (6.213)

The Buddha has eighteen unique qualities:

Subhūti, from the moment the Tathāgata fully realises the most supreme perfect and complete awakening and up until his final nirvana, the Tathāgata does not (1) make mistakes, (2) rash utterances, (3) forget things, or (4) lose his mental composure. (5) He does not harbour discriminating ideas, but (6) his equanimity is not indifference. (7) He does not lose his dedication, (8) diligence, (9) awareness, (10) concentration, (11) intelligence, or (12) freedom. (13) All his physical activities are preceded by wisdom and followed through with wisdom. (14) All his verbal activities are preceded by wisdom and followed through with wisdom. (15) All his mental activities are preceded by wisdom and followed through with wisdom. (16) His vision of wisdom has unimpeded access to the past, (17) the future and (18) the present.1

The characteristic feature of these eighteen unique qualities of the Buddha is that they are irremovable; since he does not make mistakes and so forth, there is no way that one can find any fault with him.

1. Perfection of Intelligence in One Hundred Thousand Lines (Śatasāhasrikāprajñāpāramitā), Toh 8, Kangyur, sher phyin ’bum, ga 193b4.
Tib ṭīkā (Jayānanda): Tg, dbu ma, ra 299a
6.213
སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་མཚན་ཉིད་བསྟན་པར་བྱ་བའི་ཕྱིར། སངས་རྒྱས་(300a)ཆོས་ནི་ཞེས་བྱ་བ་ལ་སོགས་པ་གསུངས་ཏེ། མ་འདྲེས་པ་ཞེས་བྱ་བ་ནི་ཐུན་མོང་མ་ཡིན་པའོ། །བཅུ་དང་བརྒྱད་ཅེས་བྱ་བ་ནི་བཅོ་བརྒྱད་དོ། །གང་ཕྱིར་སྟོན་དེས་མི་འཕྲོགས་པ། །ཞེས་བྱ་བ་ནི་དེའི་སྒོ་ནས་གཞན་གྱིས་ཕམ་པར་བྱེད་མི་ནུས་པའོ། །མི་འཕྲོགས་རབ་མཚན་ཉིད་ཅེས་བྱ་བ་ནི་ཕམ་པར་མི་ནུས་པའི་མཚན་ཉིད་ཅན་ནོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་སྔར་མ་བསྟན་པ་དེ་རྣམས་བསྟན་པར་བྱ་བའི་ཕྱིར། དེ་ལ་ཞེས་བྱ་བ་ལ་སོགས་པ་གསུངས་ཏེ། དེ་རྣམས་ཀྱི་རྣམ་པར་གཞག་པ་ནི་ཐུན་མོང་མ་ཡིན་པའི་སྐུ་དང་གསུང་དང་ཐུགས་ཀྱི་ཕྲིན་ལས་ཡོངས་སུ་དག་པ་ཡང་དག་པར་འབྱོར་པ་དང་རྟེན་དང་བཅས་པ་དང་འབྲས་བུ་དང་བཅས་པ་དང། དེ་བཞིན་གཤེགས་པའི་དབང་པོ་བརྙེས་པ་ལས་ཡོངས་སུ་མི་ཉམས་པའི་ཡང་དག་པར་འབྱོར་པ་དང། ཐུན་མོང་མ་ཡིན་པའི་ལས་ཀྱི་ཀུན་སྤྱོད་པའི་ཡེ་ཤེས་ཀྱི་གནས་པའི་ཡང་དག་པར་འབྱོར་བ་དང། ཐུན་མོང་མ་ཡིན་པའི་ཡེ་ཤེས་ཀྱི་གནས་པའི་ཡང་དག་པར་འབྱོར་པའི་ཏིང་ངེ་འཛིན་ལ་སོགས་པ་གང་ཡིན་པ་དེ་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དོ། །དེ་ལ་འདི་རྣམས་ཀྱི་ནང་ནས་དང་པོ་དྲུག་ནི་ཐུན་མོང་མ་ཡིན་པའི་སྐུ་དང་གསུང་དང་ཐུགས་ཀྱི་ཕྲིན་ལས་ཡོངས་སུ་དག་པའི་ཏིང་ངེ་འཛིན་ལ་སོགས་པའོ། །དེ་ལ་འཁྲུལ་པ་མི་མངའོ་ཞེས་བྱ་བ་ནི་སྐུའི་ཕྲིན་ལས་ཡོངས་སུ་དག་པའི་དབང་དུ་མཛད་ནས་སོ། །ཅ་ཅོ་མི་མངའོ་ཞེས་བྱ་བ་འདིས་ནི་གསུང་གི་ཕྲིན་ལས་ཀྱི་དབང་དུ་མཛད་ནས་སོ། །བསྙེལ་བ་མི་མངའོ་ཞེས་བྱ་བ་དང་ཐུགས་མཉམ་པར་མ་བཞག་པ་མི་མངའོ་ཞེས་བྱ་བ་དང། ཐ་དད་པའི་འདུ་ཤེས་མི་མངའོ་ཞེས་བྱ་བ་དང། སོ་སོར་མ་བརྟགས་པའི་བཏང་སྙོམས་མི་མངའོ་ཞེས་བྱ་བ་འདི་ནི་ཐུགས་ཀྱི་ཕྲིན་ལས་ཡོངས་སུ་དག་པའི་དབང་དུ་མཛད་ནས་ཡིན་པར་རིག་པར་བྱའོ། །འདུན་པ་ཉམས་པ་མི་མངའ་ཞེས་བྱ་བ་ནས། རྣམ་པར་གྲོལ་བ་ཉམས་པ་མི་མངའོ་ཞེས་པའི་བར་ནི་རྟེན་དང་བཅས་པ་དང་འབྲས་བུ་དང་བཅས་པའི་དེ་བཞིན་གཤེགས་པའི་དབང་པོ་བརྙེས་པ་ལས་མི་ཉམས་པའི་ཡང་དག་པར་འབྱོར་པའི་ཏིང་ངེ་འཛིན་ལ་སོགས་པའོ། །དེ་ལ་རྟེན་ནི་འདུན་པའོ། །འབྲས་བུ་ནི་རྣམ་(300b)པར་གྲོལ་བའོ། །དབང་པོ་ནི་བརྩོན་འགྲུས་ལ་སོགས་པར་རིག་པར་བྱའོ། །སྐུ་དང་གསུང་དང་ཐུགས་ཀྱི་ཕྲིན་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་ངོ་ཞེས་བྱ་བ་གསུམ་པོ་འདི་ནི་ཐུན་མོང་མ་ཡིན་པའི་ཕྲིན་ལས་ཀུན་དུ་སྤྱོད་པའི་ཡེ་ཤེས་གནས་པའི་ཡང་དག་པར་འབྱོར་པའི་ཏིང་ངེ་འཛིན་ལ་སོགས་པ་གང་ཡིན་པའོ། །འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་གཟིགས་པ་འཇུག་ཅེས་བྱ་བ་ནས། དེ་ལྟར་བརྗོད་པར་བྱའོ་ཞེས་བྱ་བའི་བར་གསུམ་ནི་ཐུན་མོང་མ་ཡིན་པའི་ཡེ་ཤེས་ཀྱི་ཡང་དག་པར་འབྱོར་པའི་ཏིང་ངེ་འཛིན་ལ་སོགས་པའོ། །འདི་རྣམས་ཀྱི་དོན་ནི་དེ་ལ་དེ་བཞིན་གཤེགས་པ་ལ་འཁྲུལ་པ་མི་མངའོ་ཞེས་བྱ་བ་ནི་ཇི་ལྟར་དགྲ་བཅོམ་རྣམས་ལ་གྲོང་ལ་སོགས་པར་བསོད་སྙོམས་ལ་འགྲོ་བ་ལ་གླང་པོ་ཆེ་དང་རྟ་དང་གླང་དང་ཁྱི་གདུག་པ་དང་ཚེར་མ་དང་སྦྲུལ་ལ་སོགས་པས་གནོད་པ་དང། དགོན་པ་རུ་ཆོམ་རྐུན་དང་སྟག་ལ་སོགས་པའི་འཇིགས་པ་འབྱུང་བ་དེ་ལྟ་བུའི་འཁྲུལ་པ་དེ་བཞིན་གཤེགས་པ་རྣམས་ལ་རྣམ་པ་ཐམས་ཅད་དུ་མི་མངའོ། །ཅ་ཅོ་མི་མངའོ་ཞེས་བྱ་བ་འདིར། ཇི་ལྟར་དགོན་པར་ལམ་ནོར་བའི་དགྲ་བཅོམ་པ་རྣམས་ལ་སྐད་ཤིན་ཏུ་ཆེན་པོ་འབྱིན་པར་འགྱུར་བའམ་བག་ཆགས་ཀྱི་དབང་གིས་གད་མོ་ཆེན་པོ་དགོད་པར་འགྱུར་བ་དེ་ལྟ་བུ་སངས་རྒྱས་བཅོམ་ལྡན་འདས་རྣམས་ལ་མི་མངའ་སྟེ། རྟག་ཏུ་མཉམ་བར་གཞག་པ་ཡིན་པས་སོ། །བསྙེལ་བ་མི་མངའོ་ཞེས་བྱ་བ་ནི་ཇི་ལྟར་དགྲ་བཅོམ་པ་རྣམས་སེམས་མ་གཏད་ན་བྱ་བ་མི་བྱེད་པ་དང། དུས་ལས་འདའ་བ་དེ་བཞིན་དུ་སངས་རྒྱས་བཅོམ་ལྡན་འདས་མ་ཡིན་ཏེ་ཐུགས་རྗེ་ཆེན་པོ་མངའ་བས་སོ། །ཐུགས་མཉམ་པར་མ་བཞག་པ་མི་མངའོ་ཞེས་བྱ་བ་ནི་ཇི་ལྟར་དགྲ་བཅོམ་པ་རྣམས་སྙོམས་པར་འཇུག་པའི་དུས་ཉིད་ན་མཉམ་པར་བཞག་པ་ཡིན་གཞན་དུ་མ་ཡིན་པ་དེ་བཞིན་དུ་སངས་རྒྱས་བཅོམ་ལྡན་འདས་ནི་མ་ཡིན། རྟག་ཏུ་མཉམ་པར་གཞག་པའི་ཕྱིར་རོ། །དེ་བཞིན་དུ་ཐ་དད་པའི་འདུ་ཤེས་དང་ཞེས་བྱ་བ་ལ། མི་མངའོ་ཞེས་བྱ་བ་ཐམས་ཅད་དུ་སྦྱར་བར་བྱའོ་ཞེས་དེ་བཞིན་དུ་ཞེས་བྱ་བའི་སྒྲས་བསྟན་པ་ཡིན་ནོ། །དེས་ན་ཐ་དད་པའི་འདུ་ཤེས་མི་མངའོ་ཞེས་བྱ་བའི་དོན་དུ་འགྱུར་བ་ཡིན་ཏེ། ཇི་ལྟར་དགྲ་བཅོམ་པ་རྣམས་གཅིག་ངེས་པར་(301a)ཕུང་པོ་ལ་མི་མཐུན་པའི་འདུ་ཤེས་དང་ལྡན་ལ། མྱ་ངན་ལས་འདས་པ་ལ་ཞི་བའི་འདུ་ཤེས་དང་ལྡན་པ་དེ་བཞིན་དུ་སངས་རྒྱས་བཅོམ་ལྡན་འདས་ནི་མ་ཡིན་ཏེ། རང་བཞིན་གྱིས་བདག་མེད་པའི་ཕྱིར་གཉི་ག་ལ་རྣམ་པར་རྟོག་པ་མི་མངའ་བས་སོ། །སོ་སོར་མ་བརྟགས་པའི་བཏང་སྙོམས་མི་མངའོ་ཞེས་བྱ་བ་ནི་ཇི་ལྟར་དགྲ་བཅོམ་པ་རྣམས་སོ་སོར་མ་བརྟགས་པར་སེམས་ཅན་གྱི་དོན་ཡལ་བར་འདོར་བ་དེ་བཞིན་དུ་སངས་རྒྱས་བཅོམ་ལྡན་འདས་ནི་མ་ཡིན་ཏེ། དེའི་དུས་ལ་སོགས་པ་སོ་སོར་བརྟགས་པ་ཉིད་ཀྱིས་བཏང་སྙོམས་སུ་གནས་པར་འགྱུར་གྱི་གཞན་དུ་མ་ཡིན་ནོ། །འདུན་པ་ཉམས་པ་མི་མངའོ་ཞེས་བྱ་བ་ལ། ཇི་ལྟར་དགྲ་བཅོམ་པ་རྣམས་ལ་རིགས་ཀྱི་དབང་གིས་སངས་རྒྱས་ཀྱི་རྒྱུའམ། སངས་རྒྱས་ཀྱི་མཛད་པ་རྣམས་ལ་འདུན་པ་ལ་སོགས་པ་མེད་པར་འགྱུར་ལ། དེས་ན་དེ་རྣམས་དེ་ལས་མ་ཐོབ་པའི་ཉམས་པས་ཉམས་པར་འགྱུར་བ་ཡིན་ལ་དེ་བཞིན་དུ་སངས་རྒྱས་བཅོམ་ལྡན་འདས་ནི་མ་ཡིན་ཏེ། དེ་རྣམས་ལ་ཆོས་ཀྱི་ཁྱད་པར་མ་ཐོབ་པ་མི་མངའ་བས་སོ། །དེ་བཞིན་དུ་དགྲ་བཅོམ་པ་རྣམས་བརྩོན་འགྲུས་དང་དྲན་པ་དང་ཏིང་ངེ་འཛིན་དང་ཤེས་རབ་དང་རྣམ་པར་གྲོལ་བས་ཀྱང་མ་ཐོབ་པ་ལས་ཉམས་པས་ཡོངས་སུ་ཉམས་པར་འགྱུར་བ་དེ་བཞིན་དུ་དེ་བཞིན་གཤེགས་པ་རྣམས་ལ་ཡོངས་སུ་ཉམས་པ་མི་མངའ་བའོ། །ལུས་ཀྱི་ལས་ཐམས་ཅད་ཅེས་བྱ་བ་ནི་ཇི་ལྟར་དགྲ་བཅོམ་པ་རྣམས་དུས་གཅིག་ལ་དགེ་བའི་ལས་ལ་འཇུག་ཅིང་དུས་གཅིག་ལུང་དུ་མ་བསྟན་པ་ལའོ། །ཇི་ལྟར་ལུས་ཀྱི་ལས་ལ་ཡིན་པ་དེ་བཞིན་དུ་ངག་གི་ལས་དང་ཡིད་ཀྱི་ལས་ལ་ཡང་ངོ། །དེ་བཞིན་གཤེགས་པ་རྣམས་ནི་ལས་གསུམ་ཆར་ཡང་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བའི་ཕྱིར་ལུང་དུ་མ་བསྟན་པའི་ལས་ནི་མངའ་བ་མ་ཡིན་ནོ། །དེ་ལ་ཡེ་ཤེས་ཀྱིས་ཀུན་ནས་བསླང་བས་ན་ཡེ་ཤེས་སྔོན་དུ་འགྲོ་བ་ཞེས་བྱ་ལ། ཡེ་ཤེས་དང་ལྷན་ཅིག་ཏུ་སྤྱོད་པའི་ཕྱིར། ཡེ་ཤེས་ཀྱི་རྗེས་སུ་འབྲང་བ་ཞེས་བྱའོ། །འདས་པའི་དུས་ལ་མ་ཆགས་ཞེས་བྱ་བ་ལ་སོགས་པ་ནི་གང་གི་དགྲ་བཅོམ་པ་རྣམས་ལ་ཆགས་པ་མེད་པའི་ཡེ་ཤེས་མཐོང་བ་འཇུག་པ། དུས་གསུམ་གྱི་ཤེས་བྱའི་དངོས་པོ་རྩོལ་བ་ཙམ་གྱི་སྒོ་ནས་ཤེས་པ་མེད་ཅིང་(301b)གང་གིས་ན་ཐོགས་པ་མེད་པའི་ཡེ་ཤེས་ཀྱི་གཟིགས་པ་འཇུག་པ་ཐམས་ཅད་ཤེས་པ་ཡང་མེད་ལ། དེ་བཞིན་གཤེགས་པ་རྣམས་ནི་དུས་གསུམ་གྱི་ཤེས་བྱ་རྣམས་རྩོལ་བ་ཙམ་གྱིས་ཐམས་ཅད་མཁྱེན་པ་ཡིན་ནོ། །དེས་ན་བཅོ་བརྒྱད་པོ་འདི་རྣམས་ལ་སངས་རྒྱས་ཀྱི་ཆོས་མ་འདྲེས་པ་ཞེས་བརྗོད་པ་ཡིན་ནོ། །མི་འཕྲོགས་པ་བཤད་པར་བྱ་བའི་ཕྱིར། དེ་ལྟ་བུའི་ཞེས་བྱ་བ་ལ་སོགས་པ་གསུངས་ཏེ། འཁྲུལ་པ་ལ་སོགས་པ་ཞེས་བྱ་བ་ལ་སོགས་པའི་སྒྲས་ནི་ཅ་ཅོ་ལ་སོགས་པ་བསྡུ་བར་བྱའོ། །གླགས་མེད་པ་ཉིད་ཀྱིས་ཞེས་བྱ་བ་ནི་དེ་རྣམས་ལ་གཞན་གྱིས་གླགས་མི་རྙེད་པས་སོ། །
http://www2.hf.uio.no/common/apps/permlink/permlink.php?app=polyglotta&context=record&uid=5f4f40aa-b22e-11ea-bba8-0050569f23b2
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login