| da ni ston pa la phyag ’tshal ba sṅon du (123a1)’gro ba’i bstod pa la ’jug pa bśad par bya ste | gaṅ gi yon tan graṅs dag daṅ | | mthu la thug pa ma mchis la | | rmad byuṅ phrin las dpag med can | | raṅ byuṅ khyod la phyag ’tshal lo | | źes bya ba ni rgyas pa’o | | raṅ byuṅ ni gźan gyis ma bstan par śes bya (2)ma lus pa thugs su chud pa’i khyad par daṅ ldan pas thams cad mkhyen par gyur to źes bya ba ni raṅ byuṅ ṅo | | raṅ byuṅ de la phyag bya ba ni phyag ’tshal ba źes bya’o | | ’tshal ba ni ’tshal lo ba’o | | rmad byuṅ phrin las dpag med can | | źes smos pa la | dpag med ni tshad med pa (3)daṅ | śin tu dkon pa daṅ | ṅo mtshar ba ste | phrin las ni sku daṅ gsuṅ daṅ thugs kyi phrin las gaṅ la yod pa de ni rmad byuṅ phrin las dpag med can de la phyag ’tshal lo źes bya ba daṅ sbyar ro | | rgyu phun sum tshogs pa la bstod pa bstan pa ni phrin las rgyur gyur pa’i phyir ro | | (4)’bras bu phun sum tshogs pa la yaṅ bstod pa bśad par bya ste | gaṅ gi yon tan graṅs dag daṅ | | źes bya ba ni gaṅ gi źes bya ba daṅ sbyar ro | | don gyi dbaṅ gis byed pa’i tshig yoṅs su ’gyur ro źes bya bas na khyod la źes bya ba bźi pa’i mtha’ can ’dir drug pa’i mtha’ can (5)du ’gyur te | gaṅ gi khyod kyi źes bya ba’i don to | | graṅs ni gcig la sogs pa’o | | mthu ni gdul bya’i bya ba la nus pa’o | | graṅs daṅ mthu de dag gi yon tan ni stobs daṅ mi ’jigs pa la sogs pa rnams la thug pa ni ṅes par gzuṅ ba ma mchis pa daṅ sbyar ro |