| da ni bcom ldan ’das kyi rmad du byuṅ ba gaṅ yin źe na | bśad pa | gaṅ tshe bdud rnams mṅon btul ba | | de yi nub mo kho na la | | ñon moṅs śin tu che spaṅs pa | | de ñid rmad du byuṅ ba lags | | gaṅ tshe (7)bdud rnams mṅon btul ba | | źes bya ba la sogs pa bśad par ’gyur ro | | kho na’i sgra ni don gźan ’chad par ’dod pa’o | | bdud rnams mṅon btul ba źes bya ba ni gsod pa’i chos la ñe bar sbyor bas na bdud ni lha’i bu’i bdud do | | de mṅon btul ba ni de’i ’og tu źes bya ba’i (137b1)don to | | ñon moṅs śin tu che spaṅs pa | | źes bya ba la | ñon moṅs pa źes bya ba ni ’dod chags la sogs pa rnams te | spaṅs pa ni ñon moṅs pa spaṅs pa’o | | de ni ñan thos pas kyaṅ byed | | ces bya ba’o | | śin tu che ba źes bya ba ni khyad par te | bag chags kyaṅ spaṅs pa’i (2)phyir ro | | de’i nub mo kho na la źes bya ba ni gaṅ gi nub mo la tiṅ ṅe ’dzin ñams par bya ba’i phyir bdud ñe bar gnas pa de ñid rmad du byuṅ ba ste | rnam par g-yeṅ ba’i rkyen daṅ phrad na yaṅ ñon moṅs pa śin tu che ba spaṅs pa gaṅ yin pa de ñid rmad du byuṅ ba yin gyi bdud las rgyal ba ni ma yin (3)no |