| ’o na bcom ldan ’das kyis cho ’phrul chen po bstan pas ’od sruṅs rdzogs byed pa la sogs pa’i mu stegs pa btul ba de yaṅ rmad du byuṅ ba yin na de ñid ṅes par ’dzin pa ci’i phyir źe na | bśad pa | ’od zer phreṅ bstod ldan pa’i | | ñi mas mun pa bsal gaṅ lags | | dpa’ bo (4)khyod kyis mu stegs las | | rgyal bar mdzad pa ci źig mtshar | | mun bsal źes bya ba la sogs pa smos pa la mun pa bsal ba ni mun nag bsal ba’o | | ñi ma ni ñi ma źes bya’o | | ji lta bu yin źe na | bśad pa | ’od zer phreṅ ba stoṅ ldan pa’i | | źes smos pa la | ’od zer ni ’od zer (5)rnams so | | stoṅ yaṅ yin la ’od zer phreṅ ba yaṅ yin pas na ’od zer phreṅ ba stoṅ ste | de gaṅ la yod pa de ni ’od zer phreṅ ba stoṅ ldan pa’o | | ’od zer gyi phreṅ ba stoṅ daṅ ldan pa des mun pa bsal ba ni ṅo mtshar ba ma yin no | | de la yoṅs su mi rtog pa’i gaṅ zag ṅo mtshar bar gyur pa gaṅ (6)yin pa de ni des ṅo mtshar źes sems so | | khyod kyis mu stegs las rgyal bar mdzad pa ni ṅo mtshar ba źes pa daṅ sbyar ro | | dpa’ bo źes bya ba ni bod pa’i tshig daṅ rgyu yaṅ bstan to | | gaṅ gi phyir brtson ’grus kyi che ba daṅ ldan pa’i phyir de bas na khyod ni dpa’ bo’o | | mu stegs pa de rnams (7)brtson ’grus dman pa’i śa ra dva ti’i bu la sogs pa ñan thos rnams kyis kyaṅ btul bde bas na khyod kyis de las rgyal bar mdzad pa ni ṅo mtshar ba ma yin no |