| ’di yaṅ ṅo mtshar ba ste | gaṅ gi phyir | dgra bcom pa daṅ mu stegs la | | rjes su chags daṅ khoṅ khro bar | | khyod (7)kyi thugs ni mi ’gyur na | | khyod la bstod du ci źig mchis | | dgra bcom pa daṅ mu stegs la | | źes bya ba la sogs pa smos pa la | khyod kyi thugs ni mi ’gyur na | | źes bya bas ’chad par ’gyur ro | | dgra bcom pa źes bya ba ni ñes pa ma lus par spaṅs par gyur pa dag (138b1)la’o | | mu stegs la źes bya ba ni rdzogs byed la sogs pa rnams la’o | | rjes su chags daṅ khoṅ khro bar | | źes bya ba ni chos ñid la gnod par byed pa’i mu stegs pa rnams la khoṅ khro bas gaṅ gi thugs ni mi ’gyur ba ste | de rnams la khoṅ khro bar mi ’gyur ro źes dgoṅs (2)pa’o | | ’phags pa kun dga’ bo la sogs pa’i dgra bcom pa rnams la gaṅ gi che kun dga’ bo dgon pa pa | phyag dar khrod pa | phug la chags pas ’dod pa la mi ltos par ba lta źes bya ba de ltar khyod kyis yun riṅ por bźed pa’i thugs la dgoṅs pa dgra bcom pa thob pas yoṅs (3)su rdzogs par byed pa la chags pas thugs ni mi ’gyur ba ste | | de rnams la chags par mi ’gyur ba’o | de daṅ ’dra ba’i rmad du byuṅ ba’i yon tan daṅ ldan pa khyod la bstod du ci źig mchis pa ni gźan dam par bstod pa gaṅ gis te | bstod pa de ni ma mchis źes bya ba’i don to |