| (4)rmad du byuṅ ba gźan yaṅ bśad par bya ste | yon tan rnams la’aṅ ma chags la | | yon tan can la’aṅ bźed mi mṅa’ | | kye ma’o khyod kyi thugs stobs na | | rab daṅ yoṅs su dag pa lags | | yon tan rnams la’aṅ ma chags la | | źes smos pa la | yon tan rnams ni (5)stobs daṅ mi ’jigs pa la sogs pa rnams la’o | | byaṅ chub sems dpa’i gnas skabs su yon tan rtsva daṅ ’dra bar mi brtsi ba daṅ | de rnams la yaṅ ma chags pa ni chags par ma gyur pa ste | de rnams ’phil bar bya ba’i phyir ro | | rgyur gyur pa’i yon tan de rnams kyis sems (6)can rnams yon tan daṅ ldan par mdzad ces pas na rtsol ba la gnas par ro | | de rnams la bźed pa mi mṅa’ ba ni bsam gtan la sogs pa’i yon tan daṅ ldan par gyur pa la yaṅ ñon moṅs pa can gyi bźed pa mi mṅa’ ba’o | | de’i phyir na kye ma’o rab daṅ źes bya ba la | kye ma’o źes bya (7)ba ni ṅo mtshar ba’o | | khyod ni khyod kyi’o | | rab daṅ źes bya ba ni sṅar bśad pa’i cho gas ’dod chags la sogs pa’i rñog pa daṅ bral ba’o | | thugs stobs źes bya ba ni thugs so | | yoṅs su dag pa ni dri ma daṅ bral ba źes bya ba’i don to |