| dbaṅ po rnams ni rab daṅ ba | | źes bya (139a1)ba’i tshigs su bcad pas rmad du byuṅ ba ’di yaṅ bśad par bya ste | dbaṅ po rnams ni rab daṅ ba | | dus rnams rtag tu mi ñams pas | | khyod thugs rtag tu daṅ ba dag | mṅon sum gyur ba bźin du gda’ | | rten la brten pa ñe bar ’dogs pa mig la sogs pa la (2)brten pa’i dbaṅ po de rnams rab daṅ ba ni dri ma med pa ste | khro ba la sogs pas byas pa’i bźin ’gyur ba daṅ bral ba’i phyir źes bya ba’o | | ji ltar skye ba gtsaṅ ba’i bram zes bśad pa ni bcom ldan ’das go ta ma’i spyan ni rab tu daṅ ba daṅ | źal gyi mdog dag pa daṅ | sku mdog dkar ba (3)gaṅ yin pa de ni dbaṅ po daṅ ba’i phyir ro | | dper na kye go ta ma ji ltar chu bo ’dzam bu’i gser gyi raṅ bźin gyi goṅ bu gser mgar mkhas pas bdar nas ras dkar po la bźag na śin tu snaṅ ba daṅ | ’dis pa daṅ | rnam par gsal bar gyur pa de bźin du bcom ldan ’das goo ta ma’i dbaṅ po dag (4)rab tu daṅ ba źes bya ba ni sṅa ma bźin no | | dus rnams rtag tu mi ñams pas | | źes bya ba ni rtag tu mi ñams pa’i ṅaṅ tshul can te dus thams cad du źes bya ba’i tha tshig go | | thugs źes bya ba ni thugs so | | rtag tu daṅ ba źes bya ba ni rtag tu dag pa’o | | mṅon sum gyur pa bźin du źes bya ba (5)ni thugs daṅ ba med na dbaṅ po rnams daṅ bar mi ’gyur ro | | khoṅ stoṅ gi naṅ me gnas pa’i | | śiṅ las lo ma ’byuṅ mi ’gyur | | źes de ltar bśad pa’o | | de bas na dbaṅ po’i daṅ ba las thugs kyi daṅ ba mtshon par ’gyur ro | | de’i thugs kyi daṅ ba gźan gyi sems mi śes pas (6)mṅon sum du ma gyur pa’i phyir bźin źes bya ba ni dper ro |