| mtshan daṅ dpe byad bzaṅ ’bar ba | | źes bya ba’i tshigs su bcad pa gñis kyis don de ñid gsal bar bya ba’i phyir bśad par bya ste | mtshan (2)daṅ dpe byad bzaṅ ’bar ba | | khyod kyi sku las ma gtogs pa | | de bźin gśegs pa’i yon tan ’di | | gźan gaṅ źig la legs gnas ’gyur | | khyod sku brten pa yon tan la | | ṅa dpal che źes gsuṅs gsuṅs ltar | | de yi yon tan rnams kyaṅ slar | | ṅed legs (3)bkod ces gsuṅs pa ’dra | | gźan gaṅ źig ni gźan gaṅ źig la’o | | legs gnas ni mdzes par gnas par ’gyur ro źes bya ba’i don to | | de rnams kyaṅ mi ’jigs pa la sogs pa rnams so | | ji lta ba bźin du gnas pa’i dṅos po de bźin du gśegs pas na de bźin (4)gśegs pa’o | | ji ltar sṅon yaṅ dag par rdzogs pa’i saṅs rgyas gśegs pa ni ’jug pa ste | de bźin du ’di yaṅ gźan la sman pa’i slad du ’jug pa la sogs pas gśegs pa źes pas na de bźin gśegs pa’o | | yaṅ na sṅon yaṅ dag par rdzogs pa’i saṅs rgyas su (5)gśegs pa ni gźan dag gi tshogs daṅ chos kyi sku la sogs pa yoṅs su rdzogs par bya ba’i phyir khyad par gyi ye śes daṅ ldan par gyur pa de bźin du ’dir yaṅ gśegs pa źes bya bas na de bźin gśegs pa’o | | de’i yon tan ni de bźin gśegs pa’i yon tan no | | khyod kyi sku (6)las ma gtogs pa | | źes smos pa la khyod kyi sku ni bśad pa gaṅ yin pa de las ma gtogs pa źes bya ba’i don to | | khyad par du gyur pa gaṅ yin źe na | mtshan daṅ dpe byad bzaṅ ’bar ba | | źes bya ba ni mtshan daṅ dpe byad bzaṅ ’bar ba las ma gtogs pa źes bya bar dgoṅs (7)pa’o | | de la skyes bu chen po’i mtshan rnams ni phyag daṅ źabs kyi mthil ’khor lo’i mtshan daṅ ldan pa daṅ | ’od gsal ba daṅ | smin mtshams su mdzod spus rnam par brgyan pa daṅ | dbu gtsug gtor daṅ ldan pa źes bya ba la sogs pa’i mtshan ni mdo las gtogs par bya’o | | dpe (142a1)byad bśad par bya ste | sen mo ha caṅ mi riṅ ba daṅ | mtho ba daṅ | zaṅs kyi mdog ’dra ba daṅ | snum pa ñid daṅ | sor mo zlum pa daṅ | rgyas pa daṅ | byin gyis phra ba daṅ | rtsa mi mṅon pa daṅ | rtsa mdud pa med pa daṅ | chuṅ ba daṅ | phra ba daṅ | brla chu śiṅ gi (2)sdoṅ po daṅ ’dra bar rgyas pa daṅ | gśibs pa daṅ | mi mñam pa med pa daṅ | byin gyis phra źiṅ mdzes pa daṅ | ’ol ma se’i me tog daṅ ’dra bar dmar ba daṅ | daṅ ba daṅ | snum pa daṅ | tsandan lta bu’i dri daṅ ldan pa’i khrag ces bya ba la sogs pa ste brgyad cu’o |