| gźan la chags pa daṅ | ñid kyi rten la brtse ba med pa źes bya bar śes par ji ltar ’gyur źe na | smras pa | ’di ltar res ’ga’ (6)brtan pas gaṅ | gźan don bsgrub par mdzad slad du | | khyod ni lan brgyar phyogs dag tu | | gtor ma bźin du btaṅ ba lags | | ’di ltar lan brgyar phyogs dag tu | | źes bya ba smos pa la | ’di ltar źes bya ba ni ji ltar ’di ni gźan la chags pa daṅ | ñid kyi rten la brtse (7)ba med pa de ltar bśad par bya źes bya ba’i don to | | gaṅ ni gaṅ gi phyir źes bya ba’i don to | | yaṅ na ’di ltar gaṅ źes bya ba ni chad par ’dod pa’i don rab tu ston par byed pa’i tshig phrad ces bya ba’o | | khyad ni ’chad par ’gyur ba’o | | lan brgya ni lan maṅ por ro | | brtan pa’i phyir (145a1)brtan pa ni thugs rje ñid du brjod do | | res ’ga’ gtor ma bźin du źes bya ba ni ji ltar sñiṅ rje med pa dag gis phyogs dum bur byas nas gtor mar btaṅ ba ste | gnod sbyin la sogs rnams dga’ bar bya ba’i phyir ro | | de bźin du thugs rjes kyaṅ thugs rje (2)mi mṅa’ ba daṅ ’dra bar khyod lan brgyar byas nas btaṅ ba lags so źes ’chad par ’gyur ro | | ci’i phyir slad du źe na | bśad pa | gźan don sgrub par mdzad slad du | | źes bya bas ni stag phrug la sogs pa rnams kyi bza’ ba sgrub pa’i phyir ro | | khyod ces bya ba ni khyod do | | byaṅ chub (3)sems dpa’ la sbyor ba’i gnas skabs su btaṅ ba lags so | | gaṅ la źe na | phyogs dag tu ni las kyi byed tshig gi mtha’ can yin te | phyogs bźir gtoṅ ba źes bya ba’i don to | | gaṅ gi phyir de ltar gyur pa de’i phyir gźan gyi don rab tu bzaṅ ba ni legs par bśad pa’o |