| gźan yaṅ | maṅ po’i ril gyis sñan ma lags | | bcos pa ’ga’ tsam sñan par bas | | khyod kyi gsuṅ don grub pas kyaṅ | | thams cad legs gsuṅs kho na lags | | maṅ po ril gyis sñan ma lags | | źes pa ni rgyas pa’o | | (7)maṅ po ni phal che ba sñan pa ste | thos pa daṅ rjes su mthun pa’o | | gsuṅ thams cad ces bya ba ni bśad par ’gyur ro | | bcos pa ’ga’ tsam źes bya ba ni gaṅ źig ’dod pa’i bde ba’i loṅs spyod la źen pa de ni de daṅ rjes su mthun pa’i gsuṅ gis ’du ’khar mi nus so | | bcos (146b1)pa ’ga’ tsam gyi gsuṅ ni sñan pa ma yin źes bya ba’i don to | | dper na ’dod pa’i bde ba la chags pa’i srid pa las ’jigs pa bstan par bya ba’i phyir gsuṅs pa ni | de ltar ’bar bar gyur pa la | | raṅs daṅ dga’ ba ci źig yod | | mun pa’i naṅ du gnas pa yis | | (2)sgron ma ji ltar tshol mi byed | | ces bya ba’o | | gźan kha cig ’di ltar smra bar byad de bcos pa’i gsuṅ ni sñan pa ma yin te | dper na lha sbyin la bcom ldan ’das kyis bka’ stsal pa | rmoṅs pa’i skyes bu ś’a ri’i bu daṅ | mood gal gyi bu la yaṅ dge sloṅ gi dge ’dun gtod (3)par mi byed na khyod la gtod pa lta smos kyaṅ ci dgos | gaṅ gi phyir ś’akya rnams kyi bran mo’i bu aam baṣṭa źes bya ba’i skye bo ra’i mchil ma za bar khyod ’gyur ro źes bya ba’o | | de bas na mi bzod pa’i bsam pa daṅ ldan pas gnas par ’os pa’i gdul bya la thugs rjer dgoṅs (4)pa’i bcom ldan ’das kyis bka’ stsal to | | de’i yaṅ mi sñan pa ma yin pa daṅ | rtsub mo ma yin pa ste | thugs ñon moṅs pa daṅ mi ldan pa’i phyir ro | | gsuṅ źes bya ba’i don ni bśad zin to | | don grub pa ni mtho ris daṅ thar pa’i don bsgrub par bya ba’i phyir ro | | kyaṅ gi (5)sgras ni don gźan ston pa’o | | thams cad ces bya ba ni sñan pa daṅ me sñan pa’o | | legs par gsuṅs pa ni legs par gsuṅs pa’o | | de lta bu’i tshigs su bcad pa ’dis ś’akya rnams kyi tshig sñan pa ste | dbye ba rnam pa gñis pa bśad do |