| dran pa daṅ blo dag thogs pa daṅ ldan pa’i phyir draṅ sroṅ rgyas pa la sogs pa’i tshig ni brdzun pa yin te | bcom ldan ’das ni | kun la ma thogs thugs mṅa’ źiṅ | | źes bya ba rgyas par bśad par bya ste | kun la ma thogs thugs mṅa’ (2)źiṅ | | dgoṅs pa’aṅ kun nas ñer gnas pas | | de slad khyod kyis luṅ bstan kun | | thams cad la yaṅ slu mi mṅa’ | | kun ni śes bya rnams la ste thogs pa mi mṅa’ ba ni thogs pa mi mṅa’ ba’o | | thugs ni śes rab ste | ñon moṅs pa’i sgrib pa daṅ | ñon moṅs pa daṅ ñon (3)moṅs pa ma yin pa’i mi śes pa spaṅs pa’i phyir ro | | khyod kyis źes bya ba ni ’chad par ’gyur ro | | kun du źes bya ba ni śes bya ñid la ste | ñe bar gnas pa ni mñam par gźag pa’o | | dgoṅs pa ni yul la ’dod pa’o | | slu ba ni ’bras bu med pa bśad pa’o | | slu ba mi mṅa’ ba ni mi slu ba (4)ste ’bras bu daṅ bcas pa źes bya bar dgoṅs pa’o | | de slad ces bya ba ni rgyu yin pa’i phyir ro | | kun la thugs daṅ dgoṅs pa dag mñam par gźag pa’i phyir khyod kyis luṅ bstan pa kun ni gdams ṅag ste | slu ba mi mṅa’ ba źes bya ba’i don to |