| phan pa gsuṅ źiṅ phan mdzad pa | | khyod kyi bstan pa ci smos te | | mgo la źugs ni ’bar bas kyaṅ | | ci yi slad du sgrub mi bgyid | | phan (5)pa mdzad pa ci smos te | | źes bya ba smos pa la | ci smos te źes bya bas ni the tshom med pa bstan te | phan pa mdzad pa źes bya ba ni rdzu ’phrul gsal ba daṅ | gźan gyi cha lugs ’dzin pa’i thabs kyis phan pa mdzad pa’o | | phan pa gsuṅ ba źes bya ba ni phan pa bstan pa’i ṅaṅ (6)tshul daṅ ldan pa’o | | bstan pa’i mtshan ñid ni bśad zin to | | ci’i slad du źes bya ba ni mi srid pa’i phyir te | rnam pa gźan mi srid ciṅ rnam pa gaṅ źig gis sgrub par mi bgyid pa yin pa’o | | mgo la źugs ni ’bar bas kyaṅ | | źes bya ba ni mgo bo źugs kyis ’bar (7)bar gyur na yaṅ mgo po tshig pa la btaṅ sñoms byas pas ’phags pa’i bden pa mthoṅ bas khyod kyi bstan pa ’bras bu daṅ bcas par bya’o źes bya ba ni dgoṅs pa’o | | ’di ltar bcom ldan ’das kyis bka’ stsal te | dge sloṅ dag mgo bo ’bar bar gyur pa la btaṅ sñoms (152b1)su byas nas ’phags pa’i bden pa bźi mṅon du ma gyur pa mṅon du bya ba’i phyir ’dun pa daṅ brtson ’grus chen po’i chen pos ji srid sbyor ba’i bar du bya ba’i rigs so źes bya ba’o |