| de lta bu’i tshigs su bcad pa de rnams kyis rgyu gaṅ gis bstan pa la ’jug pa de’i rgyu bśad nas | bstan pa la (2)’jug pa’i phan yon bśad par bya ste | khyod kyi bstan pas raṅ dbaṅ daṅ | byaṅ chub bde daṅ źi ba daṅ | | khyod kyi yon tan bsṅags pa daṅ | | legs pa bźi po ’di kun thob | | raṅ dbaṅ daṅ byaṅ chub bde daṅ źes bya ba ni rgyas pa’o | | raṅ dbaṅ ni chos ñid de | de thob pa źes (3)bya ba ni ’chad par ’gyur ro | | raṅ dbaṅ ni raṅ dbaṅ kho na ste | gźan gyi dbaṅ du ma gyur pa źes bya ba’i don to | | bstan pa la brten nas sred pa spaṅs pa’i phyir bran du mi ’gyur te | | sred pa ni bran gyi rgyu yin no | | sred pa rtsa nas bcad pa na | | dṅos grub lag mthil thob par ’gyur | | (4)de la glags skabs med pa na | | bran ñid mgo la gnas par ’gyur | | źes de bźin du gsuṅs so | | byaṅ chub ces bya ba la sdug bsṅal ma lus pa bcom pa’i phyir byaṅ chub kho na bde ba’o | | bsṅags pa źes bya ba ni mchod pa’o | | khyod kyi yon tan la bsṅags pa byas pas ni khyod (5)kyi yon tan la bsṅags pa’o | | ṅa’i ñan thos śes rab daṅ ldan pa’i naṅ na ś’a ri’i bu ni lha’i mig tu gyur pas na mchog daṅ | rdzu ’phrul daṅ ldan pa rnams kyi mchog ni dge sloṅ mood gal gyi bu źes bya ba’o | | de lta bu la sogs pa’i yon tan rnams kyis bstod par bya ba’i phyir (6)źi ba źes bya ba ni mya ṅan las ’das pa’o | | thob pa ni thob pa’o | | ci źig ce na | legs pa bźi po ’di kun te | raṅ dbaṅ la sogs pa legs pa bźi po ’di kun thob par ’gyur ba’o | | gaṅ las śe na | khyod kyi bstan pa las źes bya ba’i don to |