| de lta bu’i tshigs su bcad (7)pa ’dis bstan pa la ’jug pa’i phan yon bśad nas | bstan pas bdud bźi las rgyal ba bśad par bya ste | dpa’ bo khyod kyi bstan pa ’di | | mu stegs thams cad skrag mdzad la | | bdud ni sems khoṅ chud mdzad ciṅ | | lha daṅ mi rnams dbugs kyaṅ ’byin | | mu (153a1)stegs thams cad skrag mdzad la | | źes bya ba la sogs pa la | skrag par mdzad ces pa ni skrag pa’o | | bstan pa źes bya ba ni bśad par ’gyur ro | | ṅes par legs pa lhag par rtogs par bya ba’i phyir ’jug pa ni mu daṅ ’dra bas na mu’o | | de legs par (2)brjod pas na mu stegs ni rdzogs byed la sogs pa’o | | de dag thams cad skrag par mdzad pa ni bdag med pa ñid ston par mdzad pa’i phyir ro | | gaṅ gi phyir mu stegs pa de rnams kyi bdag tu lta ba stod par mi ’dod pa de’i phyir | chos kun bdag ñid med pa ste | | źes bya ba’i de (3)bźin gśegs pa’i bstan pas skrag par ’gyur ro | | bdag tu ’dzin pa las byuṅ ba’i ñon moṅs pa thams cad ces bya ba de’i phyir bdag med pa bstan pas ñon moṅs pa’i bdud ma lus pa las bstan pa rnam par rgyal bar gyur to źes bśad pa yin no | | bdud ni lha’i bu’i (4)bdud do | | de’i sems khoṅ du chud par mdzad pa ni de’i yul las ’das par bstan pa’i phyir lha’i bu’i bdud las rgyal ba ñid bśad do | | bden pa bstan pas ṅan ’gro’i ’jigs pa ni ma yin pas so | | lha daṅ mi rnams dbugs kyaṅ ’byin | | źes pa ni mi rnams kyi yaṅ (5)tshe sbyin pa’i thabs yin pa’i phyir phuṅ po’i bdud las bstan pa rgyal ba ñid bśad do | | khyod kyi ’di źes bya ba ni ji ltar bśad pa’o | | dpa’ bo ni bod pa’o |