| ’chi bdag gi bdud las rgyal bar bśad par bya ste | ’chi bdag bstan pa khams gsum gyi | | sa chen dag la (6)spyod bgyid pa | | mi thogs bzlog pa ma mchis pa’aṅ | | khyod kyi bstan pas zil gyis mnan | | khams gsum gyi sa chen źes bya ba la sogs pa ni ’dod pa daṅ | gzugs daṅ | gzugs med pa ni khams gsum mo | | de ñid kyi sa chen po ni yul chen po’o | | de la spyod (7)bgyid pa ni khams gsum gyis chen po gaṅ la spyod bgyid pa’o | | ’chi bdag gi bstan pa źes bya ba ni ’chad par ’gyur ro | | yon tan daṅ ldan pa rnams la yaṅ mi thogs pa źes bya ba ni thogs pa med pa’i phyir khyad par ma yin pa daṅ gsod par byed pa źes bya ba’i don to | | bzlog (153b1)pa ma mchis pa ni lcags kyu med pa ste | bzlog ma nus źes bya ba’i tha tshig go | | khyod kyi bstan pas źes bya ba ni khyod kyi bstan pa’i lam gyis so | | zil gyis mnan pa ni mthu daṅ bral bar mdzad pa’o | | ’chi bdag ces bya ba ni ’chi bdag gi’o | | bstan pa ni rab tu ’jug pa źes bya ba’i (2)don to |