| gźan yaṅ | luṅ gi don ni bsam pa daṅ | | bsgom daṅ gus par mñan pa yi | | dus gsum cha dbye khyod kyi ni | | bstan las gźan la mchis ma lags | | luṅ gi don ni bsam pa daṅ | | źes bya ba ni (154a1)rgyas pa’o | | luṅ źes bya ba ni gźan las thos pa’o | | don bsam pa źes bya ba ni rigs pa la dmigs pa’o | | bsgom pa ni tiṅ ṅe ’dzin du bśad do | | gus par mñan pa ni rab tu sbyor ba ste | bsgom pa daṅ gus par mñan pa de yi’o | | daṅ gi sgra ni luṅ daṅ (2)don bsam pa yaṅ ṅo | | dus gsum cha dbye źes bya ba ni re źig daṅ por luṅ gi dus daṅ | de nas de’i don bsam pa’i dus daṅ | de nas bsgom pa la sbyor ba’i dus źes bya ba ni dus gsum gyi cha dbye ba’o | | gźan la ma mchis pa ni gaṅ du gźan las śe na | khyod kyi bstan pa (3)las so | | saṅs rgyas kyi bstan pa kho na la thos pa daṅ bsam pa daṅ bsgom pa’i raṅ bźin gyi śes rab rnams kyi bstan pa yod de | gźan la ni ma yin no źes bya ba ste | de lta bu ni tshigs su bcad pa ’dis bśad do |