| gźan yaṅ | bsgrags pas sdig pa ’phrog (6)par mdzad | | khyod dran pas ni raṅs par ’gyur | | btsal bas blo gros skye ’gyur te | | yoṅs su śes pas rnam par dag | bsgrags pas sdig pa ’phrog par mdzad | | ces bya ba la sogs pa smos pa la | bsgrags pa ni yon tan la bstod pa ste | des sdig pa ’phrog pas na (7)sdig pa ’phrog par mdzad pa źes bya ste | yon tan da lta bu daṅ ldan pa’i bcom ldan ’das yin pas na brjod pa ni źar la brjod pa’i phyir ro | | de lta bu’i gtam la sbyor ba ñe bar ’gro ba phan par mdzad pa źes bya ba ni mthoṅ ba’o | | dran pa źes bya ba ni de lta bu’i bcom ldan ’das de bźin (155b1)gśegs pa dgra bcom pa yaṅ dag par rdzogs pa’i saṅs rgyas źes bya ba’o | | khyod ni khyod do | | raṅs pa ni raṅs par mdzad pa’o | | de ltar de bźin gśegs pa’i rnam pa dran pa’i ’phags pa ñan thos pas don myur bar thob pa daṅ | chos myur du thob pa daṅ | de bźin gśegs (2)pa daṅ ldan pa’i raṅs pa thob par ’gyur ro źes bya ba ni mdo’i tshig go | | de ltar rjes su dran pa rtogs pas phan pa mdzad pa źes bśad do | | gźan gnas skabs thams cad la yaṅ ji lta ba bźin du sbyar bas ’gro ba la phan pa mdzad pa daṅ | bcom ldan ’das daṅ sbyar ro | | btsal (3)bas źes bya ba na ston pa kho na la btsal ba’o | | ji ltar rab tu byuṅ ba ’phar ba yis bram ze rigs gtsaṅ ma la smras pa ni ’di lta ste | glaṅ po’i nags su ’gro ba’i skyes bus glaṅ po’i nags su źugs pa na nags tshal chen po de ru glaṅ po’i rkaṅ rjes mthoṅ nas kye ma’o glaṅ po che gaṅ gi ’di lta (4)bu’i rkaṅ rjes źes ṅes par rtogs par ’gyur ba de bźin du | kye mi’i cha lugs daṅ ldan pa la rkaṅ pa bźi med de | gaṅ gi de ltar gyur pa ni bcom ldan ’das de bźin gśegs pa goo ta ma dgra bcom pa yaṅ dag par rdzogs pa’i saṅs rgyas źes bya ba la sogs pa bram ze’i (5)tshig phrad kyi mdo las gsuṅs so | | de bźin du btsal nas rjes su ’gro ba daṅ ldog pa dag gis ston pa kho nar ṅes pa ste | yoṅs su śes par bśad do | | śes nas dad pa rñed pa’i phyir ro | | rnam par dag pa ni ñon moṅs pa’i dri ma ’phrog pa’i phyir ro |