| gźan yaṅ | (2)phan ’dogs mdzad pas mdza’ bśes te | | ’grogs na bde phyir sñiṅ du sdug | źi phyir gcig tu yid du ’oṅ | | yon tan kun mṅa’ mchod ’os khyod | | mdza’ bśes khyod ni srog chags kun la źes bya ba’i rjes su ’jug go | | phan ’dogs mdzad ces bya ba ni ’khor ba’i sdug (3)bsṅal thugs la dgoṅs nas saṅs rgyas kyi go ’phaṅ brñes śiṅ thar pa’i lam ston par mdzad pa’i phyir ro | | ’grogs na bde phyir źes bya ba ni ’khrugs na yaṅ gźan gyi gnod pa bzod pa tsam ste | ’jig rten pa la bzod par grags so | | ’grogs na bde ba daṅ ldan pa’i phyir (4)na ’grogs na bde ba ’ba’ źig tu ma zad de | | ’on kyaṅ gnod pa byed pa thams cad la bzod pa bstar ba daṅ | srog chags rnams la yaṅ phan pa stsol ba ste | bde bar gnas pa gaṅ yin pa de ni ’grogs na bde ba’o | | rgyu de’i phyir sñiṅ du sdug pa’o | | saṅs rgyas kyi yul (5)sñiṅ du sdug pa ni skyes bu rnams kyi yid rtag tu ’phrog pa źes bya bas na sñiṅ du sdug pa’o | | mtshan la sogs pas brgyan pa’i phyir gcig tu yid du ’oṅ ba ni blta bar ’os pa ste | źi ba’i phyir lta ba daṅ rjes su mthun pas na zla ba’i dkyil ’khor bźin no | | gcig tu źi ba’i (6)dṅos po ni źi ba ste rgyu de’i phyir ro | | yon tan kun ni ji skad bśad pa’i rgyur gyur pas so | | mṅa’ bas mchod ’os źes bya ba la | | mṅa’ ba’i sgra ni bya ba’i khyad par ro | | mchod ’os źes bya ba ni mchod par ’os pa ste | srog chags kun gyis mchod par ’os pa’o |