| gźan yaṅ | | khyod ni ñam thag rnams la brtse | | bde bar gnas la phan par dgyes | | (4)phoṅs par gnas la thugs rje bas | | kun la phan par bźed pa lags | | khyod ni ñam thag rnams la brtse | | źes bya ba ni rgyas pa’o | | ñam thag pa źes bya ba ni dge ba’i rtsa ba chad par gyur ciṅ ñes pa’i spyod pa byed pa rnams la brtse ba ste | ñes pa’i spyod pa de las gdon par dgoṅs (5)pa’o | | bde bar gnas pa ni dge ba’i rtsa ba ’phel ba rnams la skal ba daṅ ldan pa yin pa’i phyir phan par dgyes pa ste | sñiṅ po kho na yin pa’i phyir phan pa’i sgras thar pa bśad do | | de la dgyes źes bya ba ni bźed pa ste | de’i raṅ bźin ni phan par dgyes pa ste | thar pa la dgod par (6)rtsol ba źes bya ba’i don to | | dge sloṅ dag soms śig | bag med par ma byed cig ces bya’o | | phoṅs par gnas la źes bya ba ni lta bas phoṅs pa ste | | dge ba’i rtsa ba yaṅ dag par chad par gyur pa’o | | thugs rje ni phan pa la dmigs pa tsam ste | | skal ba daṅ mi ldan pa’i phyir ’don (7)pa la brtson pa ni ma yin no | | kun la phan par bźed pa ni lha sbyin la sogs pa ’gal ba daṅ | mgon med zas sbyin la sogs pa rjes su chags pa gaṅ yin pa de dag thams cad la phan par bźed pa ste | mtho ris daṅ thar pa thob pa’i phyir dgoṅs pa źes bya ba’o | | de lta bu’i (159b1)rigs su bcad pa ’dis phan pa daṅ | phan pa ma yin pa dag daṅ | kun la phan par bźed pa ste | dbye ba gsum pa’i bśad pa’o |