| gźan yaṅ (6)phan ’dogs bgyid slad pha ma dag | gal te bla mar ’tshal na go | | khyod ni lhag par phan ’dogs pas | | bla ma ñid ’gyur smos ci ’tshal | | phan ’dogs bgyid slad pha ma dag | ces bya ba ni rgyas pa’o | | pha ma dag ces bya ba ni bla ma ñid daṅ sbyar ro | | phan ’dogs bgyid slad (7)ces bya ba ni skyed pa daṅ gso ba la sogs pas so | | gal te ’tshal źes bya ba ni bla ma źes pa daṅ sbyar ro | | smos ci dgos źes bya ba ni de ni ’gyur ba la smos ci ’tshal ba’o | | bla ma ni bla ma’o | | khyod ni khyod la’o | | lhag par phan ’dogs pa ni ñon moṅs pa med pa thar pa’i groṅ (160b1)khyer thob par mdzad pa’i phyir yoṅs su rdzogs pa’i phan ’dogs pa mdzad ces bya ba’i don to | | bśad pa ni ’di yin te | skye ba gcig la phan pa byed pa’i phyir pha daṅ ma dag ñe bas na bla ma ñid de | khyod kyaṅ de ltar lhag par phan ’dogs par mdzad ces bya bas na bla ma ñid du brjod par mi (2)nus so źes bya ba’o |