| de ltar chos kyi loṅs (4)spyod pa daṅ ldan pa’i mir gyur pa rnams la yaṅ | khyod kyi ñan thos srid bral źiṅ | | ya mtshan ’dzin pa med rnams la’aṅ | | lha rnams thal sbyar sman bgyid ciṅ | | ya mtshan che ba lta bur mchod | | ya mtshan ’dzin pa med rnams la’aṅ | | ya mtshan che ba lta bur źes bya ba ni rgyas (5)pa’o | | ya mtshan ni ṅo mtshar ba ste | de gaṅ la yod pa de ni ya mtshan ’dzin pa’o | | ya mtshan ’dzin pa med pa rnams ni ñan thos daṅ sbyar ro | | ya mtshan che ba lta bur źes bya ba la | ya mtshan che ba lta bu ni ya mtshan che ba lta bu’o | | lha rnams źes bya ba ni ’chad par ’gyur ro | | mi (6)rnams su gyur pa yaṅ de lta bu’i rdzu ’phrul chen po daṅ ldan par gyur źes pas lha rnams de ltar ṅo mtshar skyes par gyur to | | thub pa’i dbaṅ po’i gsuṅ rab ’di ni grub pa’i sñiṅ po can skye ba la sogs pa la mi ltos pa źes bya bas na ṅo mtshar skyes pa de rnams kyi ñan thos pa la mchod do (7)źes bya ba ni bsdus pa’i don to | | smon bgyid ciṅ źes bya ba ni lha źes bya ste | ñan thos pa rnams las kyaṅ kho bo cag ’di ltar gyur to źes bya ba’o | | sred bral źiṅ źes bya ba ni bya ba byas pa daṅ | mos pa daṅ bral ba’i ñan thos pa rnams la mchod pa źes bya ba ni bsñen pa’o | | (162b1)mchod pa’i bya ba gtso bo yin pa’i phyir daṅ | smon bgyid kyi bya ba gtso bor ma gyur pa’i phyir ñan thos sred bral la źes bya ba ste | gtso bor gyur pa’i bya ba daṅ sbyor ba’i phyir na las kyi tshig ste | lṅa pa’i ni ma yin no | | thal sbyar źes bya ba ni thal mo sbyar ba’o | | dper na rigs ṅan par (2)skyes pa ’phags pa ṅes par gnas pa de ñid rdo leb kyi steṅ du phyag dar khrod kyi gos ’drub pa la tshaṅs rigs kyi lha mo bdun brgya tshaṅs ris nas ’oṅs nas gus pas bsñen bkur byed ciṅ bltas nas lha mo gźan kha cig gis tshigs su bcad pa ’di brjod de | rgya che ba yi lha mo (3)bdun brgya yis | | tshaṅs ris nas ni ’oṅs nas gus pa yis | | caṅ śes skyes pa’i mtha’ ni gzigs pa ste | | ṅes gnas srid mthar son la phyag ’tshal lo | | źes bya ba’o | | ñan thos źes bya ba ni khyod ’ba’ źig la mi zad kyi ñan thos rnams la yaṅ źes bya ba ni ’aṅ gi sgra’i (4)don to | | de lta bu’i tshigs su bcad pa gñis po ’dis ’phags pa’i lam skyes pa rnams la khyad par gyi gnas las skyes pas mchod pa ste | dbye ba bdun pa’i bśad pa’o |